SRI AMAN: Mengeri Sri Aman deka dedat digusung temuai nyerumba Pengerami Benak 2019 ba tebing Batang Lupar ditu, 27 ngagai 29 September tu.

Bemacham rintai program enggau aktiviti deka diatur ungkup pengerami tiga hari berunggu nya.

Batang pengerami dianti mensia mayuh iya nya ngerebut gelar Raja Benak Batang Lupar 2019 tauka Mangkuk Tuai Pemegai Menua (TYT) Sarawak.

Kelimpah ari nya, 12 rintai pekit bukai bisi diatur iya nya Sakai 15 (tebuka), Sakai 20 (tebuka), Sakai 25 (tebuka), Sakai 30, Sakai 20 Bechampur, Sakai 20 Genturung Pendiau/Rumah Panjai, Sakai Unlimited Marathon 6km, Lumba Benak, Lumba Injin Pam 6.5HP, Lumba Injin Pam 6.5HP, Ngelaban Arus Sakai 30 Lelaki enggau Lumba Dayung Perau Dilagu Bepadu.

Naka 4 September tu tadi, sepenyampau 133 penyereta udah diterima lalu pom penyereta dilanjar ngagai 20 September.