ARTIKEL

BERITA MANAH... Kui Hian bejaku rambau Program Tuai Begulai Rayat di DUN Batu Kawa Ngintu Taun Baru China ba Balai Mensia Mayuh Ang Cheng Ho ditu tadi.

Batu Kawa deka bisi ‘water park’

Facebook
Twitter
LinkedIn
WhatsApp
Telegram

KUCHING: Peranak ba Sitak Kunsil Nengeri (DUN) Batu Kawa deka terus ngasaika transformasyen pemansang lebuh pengawa ngerichah peluang dagang temuai ari perambu ngaga taman rekreasyen ba 60 ikar tanah dia udah tembu ila.

Sapit Premier Sarawak ti mega ADUN Batu Kawa, Datuk Amar Dr. Sim Kui Hian madah, pengawa nya sebagi ari tampung projek Rejuvenasyen Kuari Ang Cheng Ho.

“Projek renggat keterubah beungkus RM20 juta udah tembu (Balai Mensia Mayuh Ang Cheng Ho), sebuah balai mensia mayuh ti digaga ba atas tasik pemesai 20 ikar lalu dijaga Kaunsil Mengeri Padawan (MPP).

“Projek tu ila deka ditampung ba renggat nangkan tu, ke alai kitai merambu deka ngaga hotel enggau palan besai bebeli barang.

“Ba seberai jalai bisi tanah pemesai 40 ikar, tanah nya udah dikemendar dikena ngaga taman rekreasyen nyengkaum ‘Water Park’,” ku iya.

Kui Hian bejaku munyi nya rambau Program Tuai Begulai Rayat di DUN Batu Kawa Ngintu Taun Baru China ba Balai Mensia Mayuh Ang Cheng Ho ditu, tadi.

Taja pia, ku iya pengawa berunding enggau pengempu tanah peribit semak tasik Ang Cheng Ho agi dipejalaika dikena nampung renggat bukai projek tu.

“Kami berumban deka ngadu semua tu laban palan ditu manah ungkup mensia mayuh enggau manah diangkat nyadi palan dagang temuai.

“Ba ditu ila mega kitai deka bisi hab inovasyen ti dijaga ba baruh Tabung Ekonomi Gagasan Anak Sarawak (TEGAS) enggau Opis Menteri Dagang Temuai, Industri Kreatif Enggau Seni Pemerindang, Datuk Seri Abdul Karim Rahman Hamzah.

“Nya alai, perintah benung bebendar deka mutarka penanggul jalai sekut ba ditu ari pengawa ngaga jalai enggau jematan baru ti bukai baka jalai kedua nuju Moyan enggau jalai ari Stephen Yong ke Kampung Segedup,” ku iya.

BERITA LAIN

Perrez Riverside palan manah alai bemarin

PELILIH Padawan chukup tebilang enggau palan ngelantang ati bepelasarka rampa menua lalu siti ari palan nya baka Perrez Riverside. Perrez Riverside bepalan ba Jalai Puncak

BERITA TERBARU

Rumah musnah terbakar, penghuni selamat

MIRI: Sebuah rumah di Kampung Pa Umor, Bario milik Timbalan Menteri di Jabatan Premier (Buruh, Imigresen dan Pemantauan Projek), Datuk Gerawat Gala, musnah dalam insiden

Enam kereta terbakar akibat pembakaran terbuka

LIMBANG: Enam buah kereta di luar bengkel di Jalan Taman Desa Babahanan di sini musnah dalam satu kebakaran disebabkan pembakaran terbuka longgokan kayu berhampiran. Jurucakap

Saingan harga tiket penerbangan ke Sarawak

KUCHING: Pengumuman syarikat penerbangan milik Sarawak yang dijangka beroperasi pada tahun hadapan diharap dapat menurunkan harga tiket kepada anak Sarawak. Adun Tupong Fazzrudin Abdul Rahman