ARTIKEL

NGENANG JASA… Henry (semilan kanan) enggau bala indai nyirap kek kelai ngerami Hari Indai rambau Nangguhka Bau Gawai Parade 2024 di Lobuh Bau ditu, ensanus.

Bau Gawai Parade deka diatur dua taun sekali

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

BAU: Program Bejalai Bebala Mayuh Gawai Bau tauka disebut Bau Gawai Parade nyerumba Pengerami Gawai Dayak deka diatur dua taun sekali.

Sapit Menteri Pengangkut ti mega Kaban Kunsil Nengeri (ADUN) Tasik Biru, Datuk Henry Harry Jinep madah, ba taun 2026 ila, program nya deka diatur richah agi lalu penyampau penyereta mega deka nambah bekaul ari timbal mensia mayuh ti manah ba program keterubah ke ti diatur ensanus.

“Tadi aku berandau enggau pemesai pelilih menua ditu ngambi kitai ngatur Bau Gawai Parade tu dua taun sekali.

“Kitai belabuh taun tu, nya alai kitai deka ngatur baru ba taun 2026 richah agi ngaul semua kandang menua, opis perintah enggau gerempung ukai dikuasa perintah (NGO) di Pelilih Bau,” ku iya.

Henry bejaku munyi nya rambau nangguhka Bau Gawai Parade 2024 di Lobuh Bau ditu, ensanus.

Ku iya, taun bukai iya nyelinting urung 100 kontinjen datai ngulu Bau Gawai Parade nya ila.

“Ungkup diatu kitai nyikap diri ari sukut awak, kereban, perengkaguna enggau pekayan tradisional semua bansa ti bisi di pelilih menua ti kelebih agi raban bansa Bidayuh,” ku iya.

Ku iya, semua aktiviti tu ila deka terus nyendia enggau ngerembaika peluang dagang peranak kandang menua dia.

Dulu ari nya, lebih 800 penyereta ngaul 43 kontinjen ngulu Bau Gawai Parade 2024 ke diatur keterubah iya di pelilih menua nya.

Pejalai bebala mayuh penyauh 2.4 kilometer (km) nya belabuh ari Balai Suarah Bau nyentuk Lobuh Bau dipasuk pupu raban bansa kelebih agi bansa Bidayuh nyengkaum raban bansa Melayu enggau China.

Rambau program nya mega, Kumpulan Kebudayaan Adat Warisan Kampung Opar dipadu nyadi champion lalu mujur mai pulai perais mata duit RM1,500.

Nya dientudi Kontinjen Gerempung Adat Adat Singai ba penuduk kedua lalu mai pulai perais mata duit RM1,000.

Penuduk ketiga dipenggi Kontinjen Gerempung Nasional Dayak Bidayuh (DBNA) Serapi ti mujur mai pulai perais mata duit RM800.

BEJALAI BEBALA MAYUH… Henry (dua kiba) nguluka pengawa bejalai bebala mayuh Bau Gawai Parade 2024 di Balai Suarah Bau ditu, ensanus.

BERITA LAIN

Nempa Sarawak nyadi tibang pemakai

TUSUN KETERUBAH MINAT Reynold anak Jacktola, 29, ti rindu agi dikangau Nol ba pengawa betanam betupi nya endang dikembuan iya ari mit laban iya datai

Tebing Sungai Saratok deka diseleti meruan

SARATOK: Perintah Sarawak deka nyeleti pengkalan ba seberai Pasar Saratok enggau jematan dikena ngelayang Sungai Paon. Kaban Kunsil Nengeri (ADUN) Kalaka, Mohamad Duri madah, sepenyampau

BERITA TERBARU