PUTRAJAYA: Jauh ari menua ketegal bisi pengawa diadu enda nekul pejalai projek pemansang enggau pengelantang rayat di menua.
Kaban Parlimen Saratok, Datuk Ali Biju madahka diri ngena pengelebih teknologi arus penyambung ngatur aum begulai enggau tim iya.
Ku iya, status pejalai projek di menua mesti ditemu nentuka pengawa lanchar sereta enda lari ari tagit enggau timpuh udah ditaga.
“Aku ngelimpang awak diri baum nengah tali arus (online) begulai enggau tim di menua din (Saratok) pasal status pemadu baru projek enggau pengawa dipejalai sida.
“Kami baum ngena chara tu laban aku enda sempat pulai ke menua ketegal agi bisi pengawa deka diadu ditu (Putrajaya),” ku iya ba sebengkah penerang empai lama.
Ali madahka diri tepantup ati meda atur pengawa enggau pejalai bala tim iya di menua ti bebagi tubuh enggau besaup ngemujurka semua tanggung pengawa udah dilempai.
Berita penuh Ruai 6 pagila
