ARTIKEL

Bayar saman dikurang manggai 70 peratus

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

KUCHING: Beserimbai enggau Hari Kebangsaan ke-64 ti berambaika jaku “Malaysia prihatin” ungkup taun tu, dia Opis Perengka Pengangkut Darat (JPJ) udah ngurangka bayar saman nyentuk 70 peratus ungkup semua saman JPJ.
Taja pia, kes saman ti masuk dalam atur kot nadai disengkaum dalam atur tu.

Pengurang bayar kompaun tu bepun ari 18 Ogos 2021 nyentuk 16 September 2021 mega diberi ngagai semua surat saman ti udah dikeluarka bagi penyalah ba baruh Akta Pengangkut Jalai 1987 (Akta 333) enggau Akta Lembaga Pelesenan Kenderaan Perdagangan (Akta 334).

Rega mayar saman ti dikurang tu deka diberi nitihka rega kompaun ke bisi dalam sistem mySIKAP JPJ.

Tambahka nya, diskaun tu diberi ngagai semua saman ti agi aktif lalu saman nya patut dibayar dalam timpuh ti udah ditesau nyentuk 16 September 2021 tu ila.

Semua pengawa mayar saman tu tau digaga ba semua Opis JPJ Nengeri, Pampang JPJ enggau UTC, kiosk tauka nengah chara online ba laman web mySIKAP JPJ (https://public.jpj.gov.my/).

Berebak enggau nya, bagi sida ke salah ngelanggar atur trafik dipinta datai ke Opis JPJ ti semak sebedau pengawa mayar saman tu diatur.

Bayar pengurang ungkup rega saman tu dipejalai dikena ngelempungka tating penusah rayat seraya nyaup mutarka penanggul ekonomi semua peranak menua ditu ti kena empas ari pengerekai Covid-19.

BERITA LAIN

BERITA TERBARU

Industri media berdepan dengan cabaran AI generatif

KUCHING: Industri media perlu mempunyai prosedur dalam mengurus dan mengendalikan apa-apa jenis maklumat yang disampaikan kepada umum, berikutan kemajuan pantas dalam teknologi maklumat yang menimbulkan