ARTIKEL

Bazar Ramadan pelasar endur pedagang nambahka penatai pemisi

Facebook
Twitter
LinkedIn
WhatsApp
Telegram

KUCHING: Pengawa ngemendarka Bazar Ramadan dibuka taun tu endang pekara ke patut ngambi mensia mayuh ulih nambahka penatai pemisi pengudah napi penusah ketegal Covid-19.

Adun Satok, Datuk Ibrahim Baki madah, mensia mayuh ulih nambahka penatai pemisi sida sereta nyungkak baru ekonomi ruang bilik.

“Udah lama Bazar Ramadan enda dibuka ba menua tu lalu diatu, pengusung ke ngelawa bazar tu majak mayuh.

“Aku beratika pedagang ditu berengkah bejualka pemakai bepun pukul 3 lalu mayuh pedagang nutup bansal sida pukul 4 lemai laban pemakai ke dijual sida udah abis.

“Nya kebuah, mensia mayuh ke ngelawa bazar tu chukup mayuh,” ku Ibrahim.

Ibrahim mansutka jaku nya ngagai pemberita pengudah bejadika Bazar Ramadan Satok, kemari

Ba pengawa nya, iya udah ngabas pedagang sereta nentuka mensia mayuh nitihka Atur Pengawa Standard (SOP).

Iya datai ba bazar nya pukul 4.40 lemai lalu penatai iya pengelama setengah jam udah matak perati bala pengusung.

Nambahka nya, Ibrahim mega ngelalau pedagang enggau pembeli seruran bejejaga enggau nitihka SOP ke udah ditetap.

Baca lain  Ibu bapa belum yakin hantar anak

Dikena nentuka pedagang nitihka SOP, Ibrahim madah, iya nengah Dewan Bandaraya Kuching Utara (DBKU) udah nyuaka sengkabung mua ngagai pedagang di Bazar Ramadan Satok.

“Taja kitai udah ngalih ngagai renggat endemik tang kitai mesti bejejaga… suah agi masu jari ngena sabun enggau nyaga takah.

“Nya kebuah, taja sehari tu kitai meda mayuh orang datai kitu tang sida meruan nitihka SOP,” ku iya nerang.

Ku iya, rayat ba Kuching enggau Sarawak tu entara orang ke chukup nyaga disiplin.

“Nya kebuah kitai beratika tikas igi penyakit nya berampit ba menua tu entara menua pemadu baruh di Malaysia,” ku iya.

Kelimpah ari Bazar Ramadan Satok, DBKU mega nyendiaka Bazar Ramadan di Mydin Mall Samariang.

Semua pedagang ba Bazar Ramadan nya dipinta nitihka atur permit ke udah dikeluar lalu sida ke nyual pemakai mesti nitihka atur mela pemakai seriris enggau atur di baruh Akta Makanan 1983 dan Peraturan- Peraturan Kebersihan Makanan 2009.

Bala pengusung mega dipinta nitihka SOP baka rejister MySejahtera lebuh tama enggau sida ke udah nerima vaksinasyen penuh dikemendar tama kia.

Baca lain  Jangan membazir pada Ramadan, 90,000 tan makanan dibuang tahun lepas
JAGA PENGERAI… Ibrahim Baki nyuaka sengkabung mua ngagai pedagang di Bazar Ramadan Satok, kemari.

BERITA LAIN

Adun Repok lawat dua pesakit warga emas

SARIKEI: Timbalan Menteri Sumber Asli dan Kelestarian Alam, Datuk Seri Huang Tiong Sii melawat dua warga emas yang terlantar sakit di kediaman mereka, pada Khamis.

Pesta Beras Adan 2024 di Ba’Kelalan

LAWAS: Ba’Kelalan mempunyai potensi besar untuk dipasarkan dan dipromosikan sebagai destinasi pelancongan ekologi. Yang Dipertua Dewan Negara, Senator Datuk Mutang Tagal berkata demikian susulan pelbagai

BERITA TERBARU

Adun Repok lawat dua pesakit warga emas

SARIKEI: Timbalan Menteri Sumber Asli dan Kelestarian Alam, Datuk Seri Huang Tiong Sii melawat dua warga emas yang terlantar sakit di kediaman mereka, pada Khamis.