BINTULU: Penyadi remang nyelai bisi dipeda ba Bintulu pagi kemari mujur narit ati perayat dia.
Gambar enggau video penyadi remang nyelai nya bisi dikunsi ba Facebook ti diambi ari mayuh palan ba sitak nya.
Pekara nya nyadi pengelama berapa jam nyentuk pukul 9 pagi kemari.
Bisi sekeda perayat dia enda muai peluang begambar enggau penyadi remang nyelai nya.
Taja pen mayuh perayat dia temegah meda pemanah remang nyelai nya ti jarang nyadi tang bisi mega perayat dia irau ati laban melabaka nya kelai kabut deka nyadi.
Ungkup rikod, pekara nyelai ti jarang nyadi nya bisi dipeda ba Miri.
Opis Meteorologi Malaysia ngeluarka gerah kabut, ujan bangat enggau ribut kudi ti disadang nyadi urung pukul 5.45 nyentuk 9 pagi kemari ba sekeda endur.
Gerah nya disadang mungkur sitak Sarikei, Meradong, Sibu, Selangau, Mukah, Kapit, Bintu enggau Miri.
