ARTIKEL

Begempung munas penyakit rabies

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

KANOWIT: Pelilih Kanowit ngerikod lima kes pemati ketegal penyakit rabies sepanjai taun nyin kemari.

Menteri Penyerakup Menua, Datuk Aaron Ago Dagang madah, pekara nya ngirau ke ati lalu enda tau enda dikemerat mensia mayuh ba pelilih nya.

Iya nyemetak madah, enti enda ditagang, pekara nya ulih ngujung ke mayuh agi orang bebadi nyawa.

“Laban kes tu majak nambah, nya alai, raban Sepital Sibu, Opis Pengerai Bagi Menua Sibu enggau Opis Pelilih Kanowit bekerejasama bejalaika kimpin meri penyedar senentang penyakit rabies dikena nagang penanggul tu,” ku iya.

Aaron nibar jaku nya rambau bejadi ke Kimpin Meri Penyedar Nagang Rabies Renggat Pelilih Kanowit 2023 di Balai Opis Pelilih Kanowit, ditu ensanus.

Bisi 538 penyereta nyengkaum penghulu, pemancha sereta tuai rumah enggau tuai raban bansa di pelilih nya ngambi bagi ba kimpin nya.

Kaban Parlimen Kanowit nya ngerah bala penyereta ngambi bekunsi senentang pengawa nagang penyakit nya ngagai komuniti ba baruh pegai sida.

Iya mega ngelalau sida ngambi enda ngelepaska ukui ti ditupi sida di luar rumah sereta meri tuchuk vaksin ngagai semua ukui ditupi sida dikena nyeliah igi penyakit rabies.

Aaron madah, kimpin baka nya endang manah dikena meri penyedar ngagai komuniti ditu ngambi seruran bejimat lalu nyeliah ke diri ari penyakit nya. Ku iya, belabuh ari taun nyin kemari, Sepital Kanowit udah muka Klinik Ketup Ukui dikena ngemuntang ke pengawa meri vaksin anti-rabies ngagai komuniti.

Ngelansa pekara bukai, Aaron madah, bisi RM1.5 bilion agih belanja diungkup ngagai Ejensi Pemansang Rascom (Rasda) dikena ngemansang ke sitak Kanowit enggau Selangau.

Iya madah, agih belanja nya udah dikemendar ke Premier Sarawak, Datuk Patinggi Tan Sri Abang Johari Tun Openg ba taun nyin kemari.

Ku iya, juluk besai Rasda iya nya nyeleti infrastruktur komuniti di sitak Rascom di kededua sitak nya.

“Agih belanja tu udah dikemendar Abang Johari dikena nyeleti infrastruktur di sitak Kanowit enggau Selangau.

“Projek tu mega deka ngemerat ke ekonomi rama nengah pengawa betanam betupi meruan dikena ngangkat produktiviti komuniti ditu,” terang iya.

Sama datai Pegawai Pelilih Kanowit, Jackline August, Pegawai Opis Pengerai Bagi Menua Sibu, Dr Teh Jo Hun enggau Pegawai Penguasa Sepital Kanowit, Dr Aren Senide

BERITA LAIN

2,000 belanda seraya ngintu rampa menua

KUCHING: Urung 2,000 penyereta ngulu program belanda pengasih besuluka jaku Run To Save Lives 4.0 ti belabuh ba mua Majlis Bandaraya Kuching Selatan (MBKS), ditu

BERITA TERBARU

Warga emas ditemui lemas di Tasik Biru

MELAKA: Seorang lelaki warga emas yang dipercayai mengalami kemurungan ditemukan lemas di Tasik Biru, Chin Chin, Jasin malam ini. Komander Operasi Kanan Jabatan Bomba dan

Rangka manusia ditemui dalam semak kebun durian

BATU PAHAT: Rangka manusia yang ditemukan dalam semak di kebun durian berhampiran Kompleks Penghulu Mukim Linau, dekat sini, adalah milik remaja yang dilaporkan hilang sebelum

Pilih taska berdaftar, pentingkan keselamatan

KUALA LUMPUR: Ibu bapa dinasihatkan untuk memilih taska yang berdaftar bagi memastikan keselamatan dan kesejahteraan anak-anak mereka. Presiden Persatuan Pengasuhan dan Perkembangan Awal Kanak-Kanak Berdaftar