LUBOK ANTU: Program Begulai Berambeh Mensia Mayuh Kampung Tanjung ditu nyadi siti pelasar ti manah dikena pengari rayat betemu begempuru enggau komuniti ba renggat baruh lalu mendingka penanggul ti ditapi sida.
Kaban Parlimen Lubok Antu Jugah Muyang madahka nengah peluang tu, ketuai komuniti, ketuai bansa, kaunselor, ketuai opis perintah enggau ke bukai ulih betukar penemu sereta runding, mendingka diri empu penanggul rayat lalu madahka pekara nya ngagai pengari rayat menua nya.
“Kitai ngena peluang tu berandau sereta betukar penemu lebuh mendingka penanggul ditapi rayat sitak Lubok Antu.
“Pengawa mutarka penanggul sereta ngiga penyerakup patut digiga ngambika ulih nyapai pengelurus dalam ekonomi ti baru,” ku iya.
Jugah madah munyi nya lebuh bejadika program Begulai Berambeh Mensia Mayuh Kampung Tanjung ti diatur Komiti Komuniti enggau Pemansang Ruang Bilik Menua Sarawak di Rumah Imau, Tanjong ditu, kemari.
