Begunan kelas SK Orang Kaya Mohammad di Bintulu angus

BINTULU: Chukup sinu beratika sebuah begunan kelas ke nyimpan 1001 kenang ngagai nembiak ke kala besekula ba Sekula Primary (SK) Orang Kaya Mohammad ba Jalai Abang Galau ditu ke angus urung pukul 1.42 ngalih hari tadi.

Kepala Opis Bomba enggau Penyah Penusah Bintulu Christus Buson madah raban bomba nurun ngesah penusah nya sepengudah sida nerima kangau pasal penusah angus nya.

“Lebuh datai ba endur nya, dia raban bomba terus ngerara api ba begunan nya enggai ke ngerampit ngagai blok bukai,” ku iya.

Christus mansutka jaku nya nengah sebengkah penerang bekaul enggau penusah angus ke nuntung sekula nya.

Ungkup penemu sekula tu ditumbuhka dalam taun 1912.