Beguntin buk, bayar tambah seringgit

KUCHING: Penguna ti beguntin buk deka diletak bayar tambah RM1 ungkup jilit ti dikena.

Asil tinjau ba kedai guntin buk di Kota Padawan pagi tadi, sida ke ngempu kedai guntin ngeletak bayar tambah nya ngagai sida ke nguntin buk ba kedai nya.

Genap jilit semina deka dikena sekali aja lalu enda ulih dikena baru.

Kelimpah ari nya, sida ke ngempu kedai guntin meseti nitihka Standard Atur Pengawa (SOP) baka ngambi penerang sida ke datai lalu ngena penuchi jari (sanitasyen jari).

Semina tiga iku orang aja dikemendar beguntin buk ba siti maya di dalam kedai nya.