ARTIKEL

ARAP TERUS MUJUR… Fatimah (dua kanan) nyua tepa ngagai Fenny rambau penemuai basa nya.

Bejaga ari sindiket Macam Scam

Facebook
Twitter
LinkedIn
WhatsApp
Telegram

KUCHING: Opis Menteri Menua Luar, Opis Wilayah Sarawak, keran mutar enggau munas penyalah bedagangka mensia kelebih agi ngaul Macau Scam.

Direktor Fenny Nuli madah, pengawa deka dipejalai belipat nentuka mensia mayuh ngeledaka pekara nipu peluang kereja di menua luar sereta sindiket penyalah tu.

Ku iya, baka utai ke nyadi empai lama, 43 nembiak ari menua tu ke alai 16 ari sida nya rayat Sarawak kena tipu gaji besai lalu kena jual sindiket Macau Scam di Peru.

“Nya alai aku minta mensia mayuh enda mudah alah umbuk enggau bejimat agi kelimpah meresa dulu pengamat peluang kereja disedia,” ku iya.

Fenny nibar ke jaku lalau nya rambau aum pemberita pengudah ngatur penemuai basa ngagai Menteri Pemansang Indu, Nembiak Mit enggau Pengelantang, Komuniti Datuk Seri Fatimah Abdullah di Begunan Baitulmakmur II, ditu kemari.

Dikena marit mensia mayuh ngeledaka pekara nya ku iya, bemacham program enggau kimpin deka diatur nengah media sosial di renggat Opis Menteri Menua Luar.

Baca lain  Bantu terus dianjung ke rumah panjai

“Naka diatu, (Opis Menteri Menua Luar, Opis Wilayah Sarawak) udah bisi Twitter enggau Facebook dikena marit mensia mayuh kelebih agi apai indai ngeledaka pekara tu.

“Kitai mega deka ngiga orang ti kala kena tipu lalu mujur diselamat (kes bedagangka mensia) ngambi bekunsika penerang enggau peneleba sida ngagai mensia mayuh sekumbang ditan,” terang iya.

Fenny madah, batang pengawa opis wilayah ditu ngambi mantu rayat Sarawak baka nyendiaka servis sanding penemu ngagai mensia mayuh ngenukuka dokumen, setipikit enggau ke bukai.

Iya madah baru, ari bemacham sanding penemu ke bisi di Sarawak baka ari Indonesia, Brunei enggau China, dia opis menteri sida ngasaika bisi pematut ngerembaika operasyen ke Sabah enggau Sarawak.

Pejalai nemuai basa nya diatur pengudah iya dipadu nyadi Direktor Opis Menteri Menua Luar, Opis Wilayah Sarawak berengkah ari 2 Januari 2024, nyilih penuduk direktor sebedau tu, Zakarai Nasir.

BERITA LAIN

RM10,000 nganti Kumang Gawai Betong 2024

BETONG: Pekit Kumang Bagi Menua Betong 2024 nesau bala indu dara bansa Dayak selampur menua Malaysia ke beumur 18 taun enggau tuai agi ngerebut perais

Jini ninga indai manjung tiga kali

KUCHING: Anak tudah ti dipelaba ditagup jagu ba Sungai Rayu, Jalai Selang Lundu kena Hari Tiga tu tadi bisi ninga indai iya manjung tiga kali

BERITA TERBARU

Bacaan IPU Sarawak baik, sederhana

KUCHING: Indeks Pencemaran Udara (IPU) di seluruh Sarawak menunjukkan bacaan baik dan sederhana serta tiada bacaan tidak sihat direkodkan susulan letusan Gunung Ruang di Sulawesi