ARTIKEL

Bejimat ba jalai alun

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

KUCHING: Kaban Parlimen Sri Aman, Datuk Seri Doris Sophia Brodie ngelalau mensia mayuh ngambi bejimat ba jalai alun.

Ku iya, kemerat pengelikun diri empu enggau orang bukai lebuh betengah ke jalai alun nyerumba pulai kemisi Hari Raya Aidilfitri tu.

“Anang ngemerat kediri empu aja tang bebasa meh ke pangan diri ba rantau jalai maya deriba.

“Pengelikun diri empu enggau diri sebilik beguna amat ngambi kitai ulih ngintu Hari Raya Aidilfitri tu enggau lantang,” ku iya.

Doris mansutka jaku nya rambau dirandau pemberita bekaul pesan Hari Raya Aidilfitri 2023 ngagai semua rayat ba menua tu.

Tuai Indu Parti Rakyat Sarawak (PRS) nya bela ngelalau mensia mayuh ngambi nyaga pengerai diri nyerumba maya pengerami tu.

Ku iya, jaga manah pengerai sereta pemeresi diri empu enggau diri sebilik nyerumba musin pengerami tu dikena nyeliah penyakit Covid-19.

“Ngena peluang tu, aku ngarika kami sebilik meri Selamat Ngintu Hari Raya Aidilfitri ngagai bala bakih, bakih sama gawa, kaban belayan enggau semua raban Muslim ti ngintu pengerami tu nyengkaum ba sitak Sri Aman,” ku iya.

BERITA LAIN

BERITA TERBARU