ARTIKEL

Dr Jerip (dua kib) masang ketapu pengelikun nembiak ba siku penerima Kimpin Pengelikun Jalai Alun Bagi Menua Samarahan 2024 di Palan Bedaja MPKS, semak Jematan Batang Samarahan, kemari.

Bejimat pulai ke menua maya pemisi Gawai

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

KOTA SAMARAHAN: Sepenyampau 66 ketapu pengelikun udah disua ngagai mensia mayuh nyengkaum ketapu pengelikun ungkup nembiak mit ba jalai Palan Bedaja Kaunsil Mengeri Kota Samarahan (MPKS) di Jematan Batang Samarahan.

Sapit Menteri Pengangkut, Datuk Dr Jerip Susil, madah program tu deka dipejalai ba semua sitak serimbai musin pengerami.

“Kimpin Pengelikun Jalai Alun udah diatur ba selampur Sarawak dikena nagang kes aksiden majak nyadi kelebih agi maya musin pengerami.

“Nyadi, kami udah nyuaka 66 ketapu pengelikun ngagai mensia mayuh ti ngerenchah jalai ba Samarahan ditu,” terang iya.

Dr Jerip bejaku munyi nya lebuh Kimpin Pengelikun Jalai Alun ba ba Palan Bedaja MPKS di Jematan Batang Samarahan, ditu kemari.

Iya nyemetak madah, statistik data aksiden ba Sarawak majak niki kelebih agi sida ti nepan motosikal.

“Nitihka data, penyampau kes aksiden di menua tu majak niki kelebih agi mungkur sida ti nepan motosikal. “

Mayuh orang ti ngena motosikal tu nadai ngena ketapu pengelikun ti udah dikemendar SIRIM.

“Semua sitak deka diagih ketapu pengelikun nyadi sebagi ari chara ngurangka kes aksiden,” ku iya nyemetak.

Dr Jerip mega udah ngagihka barang bukai baka baju ujan, pemakai enggau pelekat.

BERITA LAIN

BERITA TERBARU