KUCHING: Pemantis tangki sumbat ba Loji Ai Beresi Kanowit ngujungka penanggul bekal ai tejanggal ba sitak Kanowit apin lama ke udah.

Kenu ku penerang ari Opis Bekal Ai Menua Pesisir (JBALB), penanggul nya ngujungka ai ari tangki pemantis ngagai pemansut ai beresi tepekul.

“Pengawa meresi pemantis pasir ba loji ai nya berumban dipejalai.

“JBALB Bagi Menua Sibu mega nganjung bekal ai ngena lori tangki ngagai kandang menua dituntung penusah kenyau ari 2 September nyentuk diatu,” ku penerang nya.

Penanggul teknikal pemantis ai nya mega mujur diputar lalu diatu udah ulih mantis ai baru urung pukul 5 lemai kemari.

Bekal ai dipelaba pulai baka selama chara berenggat sehari tu lalu pengawa nganjung bekal ai ngagai kandang menua bekaul ditampung dataika bekal ai bisi baka selama.