ARTIKEL

Bekerejasama nyagu motif tengkebang Sarawak

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

KUCHING: Sida ti menang Pekit Langkar Motif Sarawak (SMDC) diperansang bekerejasama enggau CENTEXS Commercial dikena ngerembaika agi motif ti udah ditengkebang sida.

Tuai Balai Nembiak, Balai Pedagang Bumiputera Sarawak (DUBS), Khairulnizam Mohamed Khalid madah, pekara nya beguna amat ngambi motif ti ditengkebang nya ulih dikerembai ari sukut produk enggau seni.

“Motif ti udah dipilih tu mega ulih dikena ngagai kasut, kantung enggau produk bukai lalu tu meh pekara ti dikearap aku,” ku iya.

Khairulnizam mansutka jaku nya rambau Program Nutup enggau Nyua Perais SMDC ba Pustaka Nengeri Sarawak ditu, kemari.

Ku iya, SMDC nya sebengkah program dikena ngiga raban nembiak Sarawak bepenau ba pekara seni motif asal enggau ngangkat pemanah seni motif ba nengeri tu.

“Kebuah pia laban Sarawak chukup kaya enggau bemacham bansa seni motif ari bemacham bansa enggau main asal baka motif songket, motif Orang Ulu, motif batik, enggau ti bukai.

“Aku temegah enggau ripot tu ti dibantai ngagai aku pengudah SMDC tu ditutup ba tengan bulan tu tadi laban kami udah nerima lebih 50 penyereta ari selampur Sarawak.

“Timbal manah ari bala penyereta ari selampur nengeri tu mandangka seni motif endang siti elemen main asal enggau dagang temuai ti nyelai.

“Pengulih program tu patut diangkat dikena ngemansang ekonomi nengeri kelebih agi Strategi Pemansang Pengudah COVID-19 2030 (PCDS 2030),” ku iya.

Khairulnizam ngarap program SMDC nya ulih mantu ngiga raban nembiak bepenau di Sarawak lalu sida diperansang ngaul diri ba pengawa seni kreatif.

BERITA LAIN

KGBS temegah GPN ungkup SPM 2023 bisi niki

KUCHING: Gerempung Pengajar Bumiputera Sarawak (KGBS) temegah laban nembiak ti bulih A ba peresa Sijil Pelajaran Malaysia (SPM) 2023 bisi nambah enti dibanding enggau taun

BERITA TERBARU