ARTIKEL

Bekunsi data pelajar nengah komiti

Facebook
Twitter
LinkedIn
WhatsApp
Telegram

KUCHING: Sapit Menteri Besai, Datuk Seri Fadillah Yusof minta siti komiti entara Opis Menteri Pelajar Malaysia (KPM) enggau Opis Menteri Pelajar, Inovasyen enggau Pemansang Penau (MEITD) ditumbuh jampat.

Ku iya, tuju numbuhka komiti nya ngambi ulih bekunsika data pasal pelajar ba Sarawak kelebih agi pasal nembiak ti tinggal ba pelajar enggau data penyulut dijapai nembiak.

“Tu dikena nentu MEITD enggau Unit Perambu Ekonomi (EPU) berati empas bemacham program intervensyen ti dipunka Perintah Nengeri sereta mantu raban KPM,” ku iya. Kelimpah ari nya, Fadillah mega minta Komiti Besai Servis Pelajar (SPP) enggau KPM belematika penanggul suntuk 3,000 pengajar ti ditapi Sarawak.

“Kededua raban dipinta belematika pekara tu enggau jampat lalu merambu chara mutar nyengkaum meri pemendar bala pengajar interim diambi gawa nyadi pengajar.

“Aku minta semua raban mantaika ripot silik pasal pengawa ti dipesetuju dalam timpuh sebulan ngambi dibai ngagai Komiti Besai Sempekat Malaysia 1963 (MA63),” terang iya.

Seraya raban diligit MEITD betuai ke Datuk Seri Roland Sagah Wee Inn udah ngatur randau enggau Fadillah sereta pegawai kanan ari bemacham opis menteri enggau opis perintah besai. Randau nya nyengkaum KPM empu, Opis Menteri Ekonomi, Opis Menteri Wang, SPP, Unit Bejalaika Pengawa enggau Penyeraris (ICU) Opis Menteri Besai sereta Opis Luyar Menua.

Raban diligit Sarawak nya, Sapit Menteri MEITD, Datuk Dr Annuar Rapaee enggau Datuk Francis Harden Hollis, Sekretari Mendam MEITD, Datuk Azmi Bujang, Luyar Menua, Datuk Saferi Ali sereta pegawai MEITD enggau EPU.

Tuju penemuai nya diatur berindik ari aum sebedau tu pasal devolusyen tauka pengawa meri autonomi pelajar ngagai Sarawak ti diatur ba bulan Ogos 2023. Tuai Direktor Pelajar, Datuk Pkharuddin Ghazali dilempaika pangku pengawa ngepunka randau pasal pekara undang-undang bekaul meri kuasa pelajar, ngaul Opis Luyar Menua enggau Opis Luar Menua Nengeri Sarawak.

Aum nya kebendar setuju pengawa meri kuasa ba pekara pelajar ngagai nengeri tu nyengkaum pekara ti ngaul operasyen enggau atur pengawa, ke alai kededua KPM enggau MEITD deka berandau ngaluska pekara nya.

LAIN-LAIN BERITA

Sarawak ngulit dua hari

KUCHING: Perintah Sarawak ngemendarka timpuh ngulit selampur nengeri pengelama dua hari, belabuh sehari tu enggau pagila. Nambah ke nya, tambai mega digitang tengan tiang aja

TYT berami enggau YAST Group

KUCHING: Tuai Pemegai Menua (TYT) Sarawak, Tun Wan Junaidi Tuanku Jaafar enggau bini iya, Toh Puan Fauziah Mohd Sanusi udah ngulu Pengerami Makai Lemai Taun

BERITA TERBARU

Suasana hiba di kediaman Tun Taib

KUCHING: Suasana hiba dan sayu menyelubungi persekitaran kediaman Allahyarham Tun Pehin Sri Abdul Taib Mahmud, petang ini. Keadaan cuaca mendung turut seakan-akan turut berduka dengan