Belaga ngerikod kes keterubah

KUCHING: Belaga ngerikod siti kes positif Covid-19, ditu tadi
Komiti Penyangga Penusah Nengeri Sarawak (JPBNS) madahka Sarawak ngerikod 166 kes iya nya 94 kes di Sibu, Miri (48), Kuching (15), Beluru (empat), Bintulu (tiga) sereta Belaga enggau Samarahan bela ngerikod siti kes.
Chairman iya, Datuk Amar Douglas Uggah Embas madahka kes positif di Sarawak nambah ngagai 1,740 kes.
Naka tu, tujuh kluster agi ngerekai baka Kluster Bukit Sekubong di Sebauh, Kluster Jelita di Miri, Kluster Pasai di Sibu, Kluster Keranji Tabuan di Kuching, Kluster Bah Sayap di Miri, Kluster Stutong di Kuching enggau Kluster Mador di Meradong.
“Empat kes baru udah suman enggau dikemendar pansut ari Sepital Miri tadi ngujungka kes suman nambah ngagai 1,122 iku tauka 64.48 peratus.