Belaga pelilih keterubah endur nguji vaksin Covid-19

KUCHING: Belaga udah dipilih nyadi pelilih keterubah nguji vaksin Pfizer Covid-19 laban ti begunaka endur ti pemadu chelap (ultra cold).
Menteri Sains, Teknologi enggau Inovasyen, Khairy Jamaluddin madahka pengawa ngujika vaksin nya deka mai butul ngundan garam penyelap negatif 70 darjah Celsius ari palan nyimpan vaksin Covid-19 di Sarawak ngagai palan betuchuk vaksin di Pelilih Belaga, Kapit.
Khairy mansutka jaku nya ba sebengkah randau eksklusif begulai enggau CodeBlue.
Khairy madahka latih pasal nyimpan enggau ngaduka vaksin Pfizer-BioNTech benung dipejalai ngaul pengawa meresa log ngambi naruh ba endur ti angat tauka chara ngasuh vaksin nya lela.
“Kami udah ngujika vaksin nya kemari bekaul baka ni vaksin Pfizer tu ulih dibai ngagai siti ari 55 endur nyimpan ngagai Belaga.
‘Kami milih Belaga laban menua nya chelap sereta nadai penanggul enti ngembuan perambu laban ulih tan pengelama berapa hari ba peti ais,” terang iya.
Lebuh ditanya kebuah milih Belaga ba pengawa ngujika Vaksin Pfizer nya, Khairy madahka kitai mega tulih ngujika vaksin AstraZeneca enti sema kitai ulih ngujika vaksin Pfizer.
“Diatu, 40 peratus peranak (12.5 juta peranak Malayisia) deka dituchuk ngena vaksin Pfizer-BioNTech.
“Diatu, Malaysia ngudar baru 12.2 juta dos ari Pfizer dibanding 12.8 juta dos ti diperambu dianjung taun tu. Reti iya, kitai bisi 25 juta dos.
“Nya kebuah, dos vaksin ari Universiti AstraZeneca-Oxford mega ulih ditaruh enggau penyelap peti ais,” terang Khairy.
Nambahka nya ku iya, enti perambu nya dipejalai enggau manah, sida ke diau ba Belaga diatu udah nganti enggau ulih ngambi vaksin nya ba siti 55 palan nyimpan ke bisi di Sarawak lalu deka diberi ngagai raban diselinting.
“Vaksin Pfizer tu mesti disimpan ba palan enggau penyelap negatif 70 darjah Celsius abis nadai enam bulan.
“Tang, vaksin nya mega ulih disimpan pengelama lima hari ba peti ais penyelap dua ngagai lapan darjah Celsius,” terang iya.
Khairy madahka Perintah Malaysia mega deka ngena termal Pfizer ke ulih ditambah nyadi palan penyimpan sementara enggau ngisi baru ais kering tiap lima hari nyentuk 30 hari disimpan.
Lemai kemari, Opis Menteri Pengerai Malaysia (KKM) begulai enggau Sapit Menteri Pengerai II, Datuk Aaron Dagang bela ngemata pengawa ngujika vaksin nya di Belaga lalu Khairy enggau Menteri Pengerai, Dr Adham Baba deka diau ba palan matau.
Kelimpah ari nya, sebuah serikat farmaseutikal Amerika Syarikat Pfizer enggau pengidar iya mega deka ngulu pengawa ngujika vaksin nya.

Suara Sarawak