MOSCOW: Seraban saintis nguji ngidupka baru siku belut ti udah beku pengelama 46,000 taun rambau jeman gajah mamut bebulu, remaung betaring tajam enggau rusa besai ngachir serata dunya kelia.
Belut ti enda dikelala bansa nya mujur ditemu 40 meter ba baruh tekang ais ba sitak beku Siberia.
Siku saintis ari Institut Biologi enggau Genetik Sel Molekul Max Planck ti mansik belut nya, Profesor Emeritus Teymuras Kurzchali madah, belut ti enda aktif nya dikumbai cryptobiosis.
Organisma dalam cryptobiosis ulih beretan idup taja nadai ai tauka oksigen sekali ke ba suhu ekstrem baka kelalu angat, chelap tauka masin.
“Belut nya benung ba renggat entara idup enggau parai sereta ulih idup baru taja udah parai,” terang iya.
Lima taun sebedau nya, sekeda saintis tetemuka dua bansa belut gelang ba palan beku Siberia.
