ARTIKEL

SAMPAL DATAI… Mensia mayuh diperansang sampal datai ngerichahka agi Karnival Gawai Dayak 2024 Kampung Barie ti deka diatue kena 28 nyentuk 30 June tu.

Bemacham aktiviti dilanggur dikena ngerichah Karnival Gawai Dayak 2024 Kampung Sungai Barie

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

SERIAN: Karnival Gawai Dayak 2024 Kampung Sungai Barie deka diatur ujung minggu tu berengkah ari 28 nyentuk 30 June.

Bemacham aktiviti ngaul sekeda renggat umur dilanggur dikena ngerichahka agi karnival tiga hari bejurut nya.

Pengatur Karnival Gawai Dayak 2024 Kampung Sungai Barie, Philip Jabu madah, program dikena ngerichah hari keterubah karnival nya baka aktiviti lumba enggau panggau rayat.

“Tusun atur program ba hari keterubah ngemataka aktiviti lumba baka pekit futsal enggau ti bukai.

“Muak ke malam, bala pengusung deka beperindang nengah panggau rayat,” ku Philip rambau dirandau Suara Sarawak.

Iya madah, tusun atur program ungkup hari kedua bisi bebida mimit laban bisi pengawa bedajaka bemacham produk lokal ari peranak ba genturung pendiau dia.

Pia mega, ku iya, Pekit Kumang Gawai enggau panggau pemerindang deka diatur muak ke malam.

“Program ungkup hari kepenudi iya nya Program Bejalai Beraban Gawai Niti Daun diatur muak ke pagi,” tampung Philip.

Pengawa nutup karnival nya deka dipenyadi Kaban Kunsil Nengeri (ADUN) Tarat ti mega Menteri Pelajar, Inovasyen enggau Pemansang Penau Sarawak (MEITD), Datuk Roland Sagah Wee Inn.

“Ba malam kepenudi, bala pengusung deka beperindang enggau penanyi tebangkar, Ricky El,” ku iya.

BERITA LAIN

BERITA TERBARU