ARTIKEL

Bemacham aktiviti narit ati diatur nyerumba Pengerami Anak Mit Sarawak kena 19 Ogos ngagai 3 September tu

Facebook
Twitter
LinkedIn
WhatsApp
Telegram

KUCHING: Pustaka Negeri Sarawak deka ngatur Pengerami Anak Mit Sarawak (SCF) ba Pustaka Kuching, Miri enggau Sibu ari 19 Ogos nyentuk 3 September tu.

Ku Sapit Menteri Pemansang Indu, Anak Mit enggau Komuniti, Datuk Rosey Yunus, nya sebengkah program sekali setaun ti diatur khas ari Pustaka Nengeri Sarawak enggau kerejasama bakih pintar ungkup anak mit beumur empat nyentuk 12 taun.

“Program tu deka diatur ba Pustaka Nengeri Sarawak, Kuching kena 19 enggau 20 Ogos 2023 lalu ba Pustaka Nengeri Sarawak di Miri kena 26 enggau 27 Ogos 2023 sereta Sibu kena 2 enggau 3 September 2023.

“Program ti diatur ungkup edisyen keenam tu nyendia bemacham pengawa ti narit ati baka aktiviti STEAM, Junior Vendor, aktiviti hands-on enggau nusi cherita ti ngaul penusi cherita ti dikangau khas ari Korea, Indonesia, Singapore enggau Brunei sereta penusi cherita ari menua tu empu,” ku iya.

Rosey mansutka jaku nya ba aum pemberita dikena ngelakuka Program Pengerami Anak Mit Sarawak 2023 ba Begunan Baitulmakmur II ditu, kemari.

Baca lain  Tengkebang baru ngangkat dagang buriek

Ku iya agi, Pustaka Nengeri Sarawak, Kuching nyendia 11 palan aktiviti (activity space).

Iya madah, palan nya nyengkaum Storyspace, Gastrospace, Makerspace, Fauna Space, Myhero Space, Marketspace, Performance & Cultural Space, Lestari Space, Gamespace sereta Artistic space lalu Pustaka Miri bisi 12 ruang aktiviti enggau Pustaka Sibu bisi lapan palan aktiviti.

“Semua penyereta ngagai program tu pechuma lalu tagit taun tu iya nya 15,000 iku enti dibanding 10,000 iku ti datai ba taun ti udah,” ku iya.

Iya mega madah, program nya deka bejadi Wendy’s House iya nya siti langkau main anak mit ti diberi Jo Williams ari BookTrust, United Kingdom dikena ngingat niang Wendy Cooling.

“Wendy Cooling siku pengajar, penulis enggau pakar antologi ti mega pemungkal Bookstart, siti program besai baruh BookTrust.

“Wendy’s House tu mega nyendia bup anak mit ti mayuh ditulis Wendy Cooling,” ku Rosey.

Ku iya bemacham program macha begulai enggau bala anak mit sereta apai indai deka diatur ba ruang nya.

Baca lain  PSB ngirai Ranum Mina di Opar, Tiki Lafe ba Tasik Biru

“Nya alai, anang masau peluang mega masuk chabut tikit benasit, sekelim pechuma ungkup 200 iku pemadu tumu maya program ti nyadi pengelama dua hari tu ba Pustaka Nengeri Sarawak, Kuching ila,” ku iya.

Bisi bela datai, Sapit Tuai Pegawai Eksekutif (Servis) Pustaka Nengeri Sarawak, Salina Zawawi, Tuai Unit Servis Ngaul Komuniti Pustaka Nengeri Sarawak, Ramdzan Saman, enggau Pustakawan Bagi Servis Ngaul Komuniti, Dayang Najwa Hazwani.

BERITA LAIN

Kapit meruan ba ati

TUSUN KETERUBAH TAJA udah tu bejalai jauh beribu batu meri servis pengerai ngagai mensia mayuh ba selampur Sarawak tauka menua bukai, Kapit meruan lekat ba

BERITA TERBARU

Bina legasi baharu badminton negara

SKUAD badminton lelaki negara diingatkan agar tidak terbuai dengan nostalgia kegemilangan lampau pasukan kebangsaan, sebaliknya cuba untuk melakar sejarah baharu dengan merangkul Piala Thomas 2024

Premier Sarawak berada di Poland

POZNAN: Premier Sarawak Datuk Patinggi Tan Sri Johari Tun Openg bakal berucap sebagai ahli panel forum pada sesi ‘Debate Regions for the Planet’ di Poland