ARTIKEL

AUM PEMBERITA… Rentap (duduk tiga kanan) enggau komiti pengatur bukai nunjukka lambang HSN Renggat Nengeri Sarawak 2023.

Bemacham aktiviti udah dilanggur nyerumba Hari Lumba Menua Renggat Nengeri Sarawak 2023

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

SIBU: Hari Lumba Menua (HSN) Renggat Nengeri Sarawak 2023 deka diatur ba Sibu berengkah ari 27 ngagai 29 Oktober tu.

Sapit Menteri Nembiak, Lumba enggau Pemansang Orang Dagang Sarawak, Datuk Gerald Rentap Jabu madah, HSN 2023 nya deka diatur ba Dataran Tun Tuanku Bujang, Sibu pengelama tiga hari.

“Sibu deka nyadi tuai rumah HSN Renggat Nengeri Sarawak 2023 lalu mayuh aktiviti lumba udah dilanggur.

“Opis Nembiak enggau Lumba Nengeri Sarawak sereta Opis Residen Bagi Menua Sibu deka nyadi komiti besai pengawa nya,” ku iya.

Rentap mansutka jaku nya ba aum pemberita pengudah betuaika Komiti Besai HSN Renggat Nengeri Sarawak, ditu kemari.

Ku Rentap, enti nitih HSN patut diatur 14 Oktober tu ba selampur menua tang hari nya hari ngintu pengada Tuai Pemegai Menua (TYT) Sarawak.

“Nya kebuah, haribulan ngintu HSN nya ditukar ke belakang iya nya ujung bulan Oktober tu,” ku iya.

Iya mega madah, sida nagit genap bagi menu aba nengeri tu deka seretai ngatur program lumba ti dipasuk 390,000 iku ba selampur Sarawak nyengkaum raban nembiak nyentuk orang tuai ke ulih ngulu aktiviti lumba sepanjai tiga hari nya.

“Tuju ngatur HSN tu dikena negapka lumba menua ngambi nyadi sebuah menua lumba.

“Pia mega, kitai deka budaya lumba ditarak ngagai serap komuniti ari renggat nembiak nyentuk orang tuai.

“Mayuh pemaik enti kitai suah ngulu aktiviti lumba baka nyamin pengerai, nempa kaul enggau ke bukai.

“Tubuh ti bepengerai beguna endar ngambi nempa Sarawak terus maju, deras mansang enggau gerai,” ku iya nyemetak madah.

Ngelansa pasal aktiviti nyerumba HSN tu, ADUN Layar nya madah, entara aktiviti ke deka diatur baka Fun Run, Fun Ride, e-Sport, pekit bebatak tali, Lumba Rayat, autoshow, lumba kasar enggau ke bukai.

Ku iya, HSN Renggat Nengeri Sarawak 2023 deka dipenyadi Menteri Nembiak enggau Lumba, Datuk Seri Abdul Karim Rahman Hamzah kena 28 Oktober tu, pukul 7 pagi ke deka ngelepas aktiviti Fun Run.

“Kami nesau semua peranak Sibu sereta pelilih besemak sama ngulu aktiviti lumba ti diatur sepanjai HSN tu ila,” terang iya.

BERITA LAIN

Dua pendam lama di Song disengkubang

SONG: Dua pendam Iban ditu udah disengkubang orang nadai tanggungpengawa ba penusah diripot nyadi kena 20 enggau 22 Mei tu tadi. Tuai Polis Pelilih Song,

Kaul komuniti Dayak meruan teguh

LUNDU: Penyerakup komuniti Dayak diatu chukup teguh taja ari bemacham raban etnik, ku Sapit Premier, Datuk Amar Douglas Uggah Embas. Iya ti temegah beratika pekara

BERITA TERBARU