ARTIKEL

MAYUH PROGRAM… Mensia mayuh ditesau sampal datai ngerichah Program MADANI Rakyat Zon Tengah ti belabuh ba Kompleks Lumba Kuala Selangor sehari tu nyentuk Hari Minggu tu.

Bemacham aktiviti ungkup rayat nyerumba Program MADANI Rayat Zon Tengah

Facebook
Twitter
LinkedIn
WhatsApp
Telegram

KUALA LUMPUR: Program MADANI Rakyat Zon Tengah ti belabuh ba Kompleks Lumba Kuala Selangor sehari tu deka nyadi pelasar pemadu engkeman ngerembaika polisi enggau inisiatif baru dipejalai Perintah Penyerakup.

Program ti diatur pengelama tiga hari nyentuk Hari Minggu tu nampung Program Setaun Begulai enggau Perintah MADANI ti nyadi nalan rayat ngulih penerang pasal 163 servis perintah besai, nengeri enggau ejensi bekaul.

Pia mega, program ti nagit 100,000 pengusung nya nukangka peluang ngagai mensia mayuh mantaika penemu sereta perambu ngemanah kualiti servis seraya negapka kaul nempa menua ti lantang agi seraris enggau Agenda Malaysia MADANI.

Bemacham pematak nganti pengusung nyengkaum kaunter diskaun kompaun saman Polis DiRaja Malaysia (PDRM), kaunter rejister Sumbangan Tunai Rahmah (STR) enggau servis mindah kin kitu Opis Pengangkut Jalai (JPJ) dikena ngemuntang mensia mayuh ke deka ngemaru Lisin Deriba Malaysia (LMM) enggau Lisin Motor (LKM).

Bisi mega disedia Pengawa Bejual MADANI enggau Agro MADANI, eksibisyen aset perintah, servis mindah kin kitu baka beperesa ngeli, kimpin meri darah, servis ngena baru, servis urut enggau kosmetologi.

Program ti diatur belabuh pukul 9 pagi nyentuk 10 malam nya mega bisi ngatur aktiviti betanam betupi enggau jamin pemakai, pogram Pelajar, Latih Teknikal enggau Vokasional (TVET) sereta rentayan pengelikun sosial.

BERITA LAIN

BERITA TERBARU