ARTIKEL

PEMANSANG SEBELA… Anwar rambau mantaika Perambu Pansik Setengah Penggal RMK-12 ba Dewan Rayat ditu, sehari tu.

Bemacham projek baru dilanggur ungkup Sabah, Sarawak

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

KUALA LUMPUR: Perintah Besai deka chakah ngemerat pemansang wilayah Sabah enggau Sarawak nengah bemacham projek sereta insiatif baru ungkup timpuh kepenudi Langgur Pemansang Malaysia Lumpar Ke-12 (RMK-12).

Menteri Besai, Datuk Seri Anwar Ibrahim madah, dikena nyamin pemansang Sabah enggau Sarawak, Perintah Besai deka nyerah kuasa ngatur bekal kuasa karan ngagai perintah nengeri.

Ku iya, nengah pengawa nyerah kuasa nya ti dipelaba diputus ba bulan Januari taun baru, Perintah Sabah deka ngembuan kuasa ngatur bekal gas enggau elektrik bepelasar ke pengulih wilayah nya.

Pia mega, iya madah, projek pemansang sistem kuasa ulih dikemaru enggau pengawa nyeleti sistem bekal kuasa karan ba Gugusan Felda Sahabat deka dipejalai dikena ngemanahka agi bekal kuasa karan ba wilayah nya.

“Projek ti beungkus RM195 juta tu deka meri pemaik ngagai rayat ba sitak nya enggau Sitak Pengelikun Khas Tebing Pantai Timur Sabah (ESSCOM),” ku iya.

Dikena nambahka kualiti sistem pelajar ba kededua wilayah nya, Anwar madah, mayuh projek ngaga baru begunan repuk ba sekula deka dipejalai.

“Naka diatu, bisi 64 projek tu benung dipejalai ba Sarawak enggau 43 projek ba Sabah,” ku iya.

Anwar mansutka jaku nya rambau mantaika Perambu Pansik Setengah Penggal RMK-12 ba Dewan Rayat ditu, sehari tu.

Iya mega madah, sebuah palan darah wilayah deka digaga ba Sabah lalu Makmal Pengerai Mensia Mayuh sereta Makmal Pengelikun enggau Kualiti Pemakai deka digaga ba Kuching.

Ku iya, pekara nya beguna amat dikena nambahka kualiti enggau servis nyaga pengerai ti sebela ba kededua wilayah nya.

Sabah enggau Sarawak mega deka bulih pemaik ari pemansang infrastruktur pengangkut enggau logistik ti meruan sereta ulih besemekih nengah pengawa ngaga Sarawak-Sabah Link Road II enggau Jalai Besai Pan Borneo Sabah Renggat 1B.

BERITA LAIN

Sibu tuai rumah Sarawak Agrofest 2025

BINTULU: Sibu udah dipilih nyadi tuai rumah Sarawak Agrofest ba taun baru. Menteri Industri Pemakai, Komoditi enggau Pemansang Wilayah Sarawak, Datuk Sri Dr. Stephen Rundi

88 chalun STPM Sarawak bullh PNGK 4.0

INDUN SILONGsuarasarawak.sv@gmail.com KUCHING: Nengeri Sarawak ngerikod Purata Nilai Gred (PNGK) pemutus peresa Sijil Tinggi Persekolahan Malaysia (STPM) 2023 penyampau 2.69 enti dibanding PNGK STPM 2022

BERITA TERBARU