ARTIKEL

Dr Siti Hazirah Datuk Sapuan

Bemacham servis pengerai bisi disedia ba Klinik Kitak, Metrocity

Facebook
Twitter
LinkedIn
WhatsApp
Telegram

KUCHING: Klinik Kitak nyendia servis ti seraris enggau Skim Perubat MADANI baka ti dipejalai ba renggat Perintah Besai.

Skim nya siti inisiatif pemungkal nengah Opis Menteri Pengerai (KKM) ti disedia dikena nangkup peminta pengerai raban B40 ba Pengawa Ngintu Pengerai Primer Akut (Berubat Penyakit Enda Balat).

Penerima Sumbangan Tunai Rahmah (STR) ari raban B40 tau berubat ba klinik perubat peribit rejister di baruh skim nya.

Pengatur Klinik Kitak, Dr Siti Hazirah Datuk Sapuan madah, inisiatif nya siti pengawa bala iya bejalaika agenda di baruh perintah ba pengawa pengerai komuniti.

“Kami meri sukung penuh ngagai pengawa meri perubat pechuma ngagai raban diselinting ti beguna servis nya di klinik tu.

“Kami udah ngambi bagi ba Skim Perubat MADANI B40, diatu semina nganti pemendar ari sida ti bekaul lalu dipelaba ditemu sebedau ujung bulan tu.

“Naka ke diatu, kitai nadai sebarang penanggul lalu semua nya agi dalam atur ngulihka pemendar nya,” ku iya.

Dr Siti mansutka pekara nya lebuh dirandau pemberita pengudah Pengawa Bejadi Klinik Kitak di Metrocity ditu, tadi.

LAIN-LAIN BERITA

BERITA TERBARU