ARTIKEL

Benak Raya nerima geran dagang RM50,000 ari RISDA

Facebook
Twitter
LinkedIn
WhatsApp
Telegram

KUCHING: Pengari tunggal Sarawak, Benak Raya mujur bulih penuduk ketiga ba pekit Risda Groom Big Challenge (RGBC) sereta nerima geran dagang penyampau RM50,000.

Program ke diatur Raban Bekuasa Pemansang Orang Bekebun Mit Dagang Getah (RISDA) nya mega nyendiaka geran dagang penyampau RM50,000 ngagai 25 iku finalis bukai ti dipilih mantaika perambu dagang sida sebedau tu.

Pemungkal Benak Raya, Imelda Bragie terus mansang mai kelai produk berau ari Sarawak mujur ngalahka 23 finalis bukai ba baruh Mohd Rahmat Bahaudin pengari ari Selangor enggau Suffian Tsourie Zakaria pengari ari Perak.

Iya mega mai pulai perais bonus mata duit RM3,000, trofi enggau setipikit rambau pengerami nutup RGBC ke diatur ba Cyberview Resort & Spa Kuala Lumpur kena Hari Empat tu tadi.

Imelda lebuh dirandau Suara Sarawak kemari madahka diri berasai gaga sereta temegah laban produk Benak Raya nyadi tiga pemadu manah dipilih RGBC taun tu.

Ku iya, geran ti diberi ulih mantu ngerembaika dagang Benak Raya lalu ulih nyadi peransang semangat nembiak rebak baru.

“Aku ngarapka pemujur tu ulih nyadi peransang nembiak rebak baru kelebih agi anak pekebun ba Sarawak.

“Adu aja pengawa enggau manah lalu anang suah meri dalih laban dalih nya ngasuh pengawa kitai lubah,” ku iya.

Ngena peluang nya, Imelda meri terima kasih ngagai RISDA Sarawak laban udah mayuh mantu sereta ngembing iya lebuh tama RGBC tu tadi.

Ku iya, raban anak pekebun getah mega patut sama mansang sereta enda tau takut begulai orang bukai.

“Ari program baka tu kitai ulih ngelala orang ari selampur Malaysia sereta ngiri penemu ke guna jemah ila,” ku iya nyemetak.

Ungkup penerang, RGBC nya diatur berengkah ari 4 nyentuk 7 Disember ungkup nemu kuing ekonomi raban dagang mikro enggau mit ti nyelinting empat pekara besai baka penemu, nambah proses pengeluar, jamin kualiti produk enggau pengawa ngemesaika dagang.

Chairperson RISDA Datuk Seri Dr Noraini Ahmad madah, sida berasai temegah laban program tu ulih ngerandang mayuh agi pemujur orang dagang ke alai RGBC taun tu digulu 117 iku raban dagang mit selampur menua.

LAIN-LAIN BERITA

Bakih strategik KGC deka ditambah

SARIKEI: Opis Menteri Pemansang Indu, Nembiak Mit enggau Pengelantang Komuniti Sarawak (KPWK) benung chakah ngatur pengawa sida ngambi mayuh agi premis nerima Kenyalang Gold Card

TYT Sarawak bulih gelar Pehin Sri

KUCHING: Tuai Pemegai Menua (TYT) Nengeri Sarawak, Tun Dr. Wan Junaidi Tuanku Jaafar udah nerima Darjah Utama Yang Amat Mulia Satria Bintang Sarawak (S.B.S) ke

KDJA ngerami 200 pengemeran media malam tadi

KUCHING: Lebih 200 iku pengemeran media dirami nyerumba Pengerami Makai Lemai Taun Baru China Gerempung Pemberita Bagi Menua Kuching (KDJA) malam tadi. Sekeda program bisi

Sistem belanja seikas menua maju

MIRI: Perintah Sarawak benung nungkap pengawa numbuhka sistem belanja ti seikas enggau menua ti udah maju ba rantau tu. Premier Sarawak Datuk Patinggi Tan Sri

BERITA TERBARU