ARTIKEL

Benedict Sandin Sejarawan Iban

Facebook
Twitter
LinkedIn
WhatsApp
Telegram

PAKAR Entnografi terubah Sarawak, Benedict Sandin anak Attat ukai semina dikemegahka raban bansa Dayak Iban aja tang mega semua bansa ti bisi ba Tanah Kenyalang.

Iya mega diberi gelar Sejarawan Iban Ulung Dunya chukup manah jasa kelebih agi ba turai enggau singkap litericha Iban.

Nya alai kitai chukup temegah ati lebuh Google ngaku jasa sereta meri basa besai ngagai Benedict Sandin kena 18 Oktober ninting taun kenyau ari 2020.

Basa nya dipandang ngena ilustrasyen khas ba website giga sida ke alai ba ilustrasyen nya, dia Benedict Sandin dipeda benung nulis ba bup ti dikelingi kutak kacha mandangka artifak asal Iban.

Artifak ti diayanka nya mega kebendar mandangka kontribusyen tauka jasa iya ba pengawa ngintu enggau nyaga pesaka budaya asal Iban.

PESAKA BANSA
Peranak asal ari Rumah Panjai Kerangan Pingai ba Saribas, menua dipegai Betong, Sarawak ngepunka singkang nyadi pengarang berita dalam jaku Iban ba taun 1941.

Ari penalam penemu pasal budaya Iban, dia iya udah dipadu nyadi pegawai ba Muzium Sarawak lalu nya ngemuntangka pengawa iya nyaga enggau ngintu pesaka budaya bansa diri.

Ba taun 1952 enggau taun nangkan nya, iya diangkat nyadi Kurator Muzium enggau Etnologi DiRaja, mekuhka pengawa ngaga dokumentasyen sejarah enggau budaya Iban sepemanjai idup iya.

Benedict Sandin udah ninggalka pesaka pemadu berega ngagai kitai nengah 77 keranjai jari ti bekaul enggau sejarah, adat asal, pengaya jaku enggau main asal sereta budaya Iban lalu ngangkatka semua nya ngagai tikas tinggi enggau besai agi ari sukut akademik.

Entara bup dikarang iya ti tebilang enggau suah nyadi malin semua komuniti ti deka nemu silik pasal sejarah, main asal enggau budaya Iban baka Sengalang Burong.

Pia mega bup diberi nama Tusun Pendiau, Iban Adat & Augury enggau mayuh ke bukai ngundan mayuh penerang pasal adat ti mandangka penyiru enggau pengasi bansa Iban ngagai adat asal ditampung sida.

NALI PENGAWA
Benedict Sandin midang kena 7 Ogos 1982 lalu dipebasa sebaka enggau bala tuai besai bukai baka Sybil Kathigasu ketegal pengepuh, pengeliat ati enggau pengeransing iya nyaguka pesaka Iban.

Jasa iya ngintu enggau nyaga pesaka budaya Iban ungkup rebak dudi mega diaku ukai semina ba Tanah kenyalang aja tang komuniti selampur dunya baka Google.

Ngambi semua nemu, anak menyadi niang Benedict Sandin ti benama Gregory Nyanggau Mawar anak Lionel Frederick Mawar, bisi ngerandangka kitai ruai diberi nama Tansang Kenyalang nengah https://gnmawar.wordpress.com/.

Ba ruai nya, kitai ulih macha enggau nemu mayuh macham pekara ti dikenang kelebih agi pasal adat, sejarah enggau pesaka budaya Iban nunda pengawa niang aya iya, Benedict Sandin.

Ngarapka kitai bansa Dayak kelebih agi Iban sama temegah ati meda pemanah pengawa lalu besaup nampung kenang tu ngambi rebak dudi bela ampit lalu ngingatka pemayuh jasa Tokoh Sejarah Iban tu.

LAIN-LAIN BERITA

Bakih strategik KGC deka ditambah

SARIKEI: Opis Menteri Pemansang Indu, Nembiak Mit enggau Pengelantang Komuniti Sarawak (KPWK) benung chakah ngatur pengawa sida ngambi mayuh agi premis nerima Kenyalang Gold Card

TYT Sarawak bulih gelar Pehin Sri

KUCHING: Tuai Pemegai Menua (TYT) Nengeri Sarawak, Tun Dr. Wan Junaidi Tuanku Jaafar udah nerima Darjah Utama Yang Amat Mulia Satria Bintang Sarawak (S.B.S) ke

KDJA ngerami 200 pengemeran media malam tadi

KUCHING: Lebih 200 iku pengemeran media dirami nyerumba Pengerami Makai Lemai Taun Baru China Gerempung Pemberita Bagi Menua Kuching (KDJA) malam tadi. Sekeda program bisi

Sistem belanja seikas menua maju

MIRI: Perintah Sarawak benung nungkap pengawa numbuhka sistem belanja ti seikas enggau menua ti udah maju ba rantau tu. Premier Sarawak Datuk Patinggi Tan Sri

BERITA TERBARU

Meruked lancar muzik video baharu

KUMPULAN muzik tempatan Meruked melancarkan single dan muzik video terbaharu mereka berjudul Kining Posah pada Jumaat ini.  Menurut vokalis, Syed Ashraf Edruce, Kining Posah bermaksud

Tarikan ekopelancongan burung walit

AKTIVITI EKONOMI dan keusahawanan penduduk kampung mampu dibangun dan diperkasa melalui pembangunan Projek Ekopelancongan Burung Walit Kampung Merembeh. Projek tersebut membuka peluang pekerjaan baharu dan