Beranak dalam ekspres ke Sibu

SIBU: Siku indu ngadaka anak indu dalam sebuah bot ekspres ba rantau jalai ngagai Sibu urung pukul 7 pagi, ditu tumu pagi tadi.

Indu ti beumur 30-an nya bejalai kediri ari Daro ngagai Sibu nepan sebuah bot ekspres pukul 6 pagi.

Nitihka penerang, indu nya dibantu siku penumpang indu lebuh iya ngadaka anak dalam bot ekspres.

Bot ekspres nya mai urung 30 penumpang datai ba Sibu urung pukul 8.30 pagi.

Indai enggau anak ti baru ada nya nadai apa nama lalu udah dibai ngagai Sepital Sibu ngena ambulan pengudah sangkai ba Palan Penyangkai Ekspres Sibu (Jelatung Daro).