ARTIKEL

Beri kerejasama awakka atur muka sektor ekonomi enda suah berubah

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

KUCHING: Mensia mayuh dipinta meri kerejasama dalam nagang pengerekai penyakit Covid-19 awakka perintah enda suah muka enggau nutup sektor ekonomi di menua tu.

Menteri Kaunsil Kandang Menua enggau Pengawa Berumah Datuk Sri Prof Sim Kui Hian madahka jam diatu endang maya ti mar ngagai menua kitai pengerekai penyakit nya agai balat ngujungka mayuh bansa varian Covid-19 ayan.

“Kitai enggai meda, sektor di menua buka tutup, buka tutup.

“Ambi teladan ari menua Belanda, tiga minggu udah sektor makai di kedai, sida nutup baru atur makai di kedai,” ku iya.

Kui Hian bejaku munyi nya lebuh aum media Ngintu Hari Sarawak di Wisma Bapa Malaysia, ditu kemari.

Ku iya, ba bulan June tu tadi, perintah ngatur atur dikena nyelamatka nyawa mensia.

“Nya alai, ba bulan Julai tu, kitai deka ngemanahka pengidup iya nya muka sektor ekonomi.

“Nyema sektor ekonomi dibuka tang kitai sigi ngemeranka Atur Pengawa Standard (SOP) baka masu jari, ngena sengkabung mua enggau nyaga takah pekara tu udah dipejalaika enggau meruan,” ku iya.

Iya nandu, lebuh bejalaika atur nadai tau makai ba kedai, atur nya digaga ungkup nyaga dagang orang dagang di menua tu.

“Lebuh nyebut kluster, Opis Menteri Pengerai (KKM) nadai nyebut kluster ari kompeni tauka restoran.

“Pekara nya digaga endang dikena ngelindung dagang, nya alai aku meransang semua rayat Sarawak meri kerejasama,” ku iya.

BERITA LAIN

BERITA TERBARU