ARTIKEL

PRESIDEN STU, KULLIN DJAYANG

Beri peluang sebela ngagai semua

Facebook
Twitter
LinkedIn
WhatsApp
Telegram

KUCHING: Serakup Pengajar Sarawak (STU) nyukung inisiatif ngambi chalun pengajar ungkup Program Ijazah Sarjana Muda Perguruan (PISMP) dikerembai ngagai nembiak Sijil Tinggi Pelajaran Malaysia (STPM), Sijil Tinggi Agama Malaysia (STAM) enggau matrikulasyen.

Dulu agi ari nya, Sapit Menteri Pelajar Malaysia (KPM), Wong Kah Woh madahka inisiatif nya deka dipejalai ba Palan Pematih Pengajar (IPG) ungkup taun tu.

Presiden STU, Kullin Djayang madah, pekara nya chukup manah enggau meri peluang sebela ngagai semua chalun ti ngambi peresa perintah.

Taja pia, iya ngarap IPG ba selampur menua ngambi mayuh agi chalun pengajar dikena mutar penanggul suntuk pengajar.

“Pekara tu ukai semina ulih mutar penanggul suntuk pengajar aja tang mantu ngurang penanggul nembiak ti nadai pengawa ba menua tu.

“Kitai meseti bejimat maya ngambi chalun pengajar sereta meri perati ngagai sekeda penteba beguna baka suntuk pengajar nitih subjek, minat nyadi pengajar enggau penyanggu sida dianjung gawa ba selampur menua.

“Pia mega, pengawa ngambi chalun pengajar tu meseti bepelasarka pemanah merit sida dikena nyaga kualiti profesyen pengajar,” ku iya.

Baca lain  Jalai ba sitak DBKU ditutup kena 28 Mei

Kullin mansutka jaku nya rambau ngelansa senentang inisiatif KPM ngambi chalun pengajar dikerembai ngagai nembiak STPM, STAM enggau matrikulasyen ditu, tadi.

Iya nyemetak madah, pengawa nganjung enggau nentu sekula endur raban nya ngajar ila meseti bepelasar nengeri sida empu.

“Tu beguna amat dikena nyeliah kes chalun pengajar mantah pengawa nganjung sida gawa ba nengeri bukai baka ti nyadi ba taun nyin kemari.

“Ba taun nyin kemari, bisi 222 ari 3227 iku chalun pengajar one off mantah dianjung gawa ba Sarawak,” ku iya.

Nya alai, Kullin madah, STU ngarap KPM belajar ari pengilap ba pengawa ngatur enggau nentu sekula endur bala chalun pengajar nya ngajar.

Terang iya, enti chalun pengajar nya dianjung gawa ba nengeri sida empu, nya ulih ngurang pengawa bala pengajar minta pindah ngajar ba nengeri asal sida.

“Beri meh peluang ngagai raban tu ngajar ba nengeri diri empu enggau ngajar anak bansa diri,” ku iya.

BERITA LAIN

Premier betemu anak Sarawak di England

LEEDS: Premier Sarawak, Datuk Patinggi Tan Sri Abang Johari Tun Openg udah betemu enggau 20 anak Sarawak ti belajar di England serimbai Hari Raya Aidilfitri.

BERITA TERBARU

PDRM

Suspek kes amang seksual ditahan di Miri

SRI AMAN: Suspek lelaki dikehendaki polis yang disyaki melakukan amang seksual terhadap seorang kanak-kanak perempuan di kawasan tanah perkuburan lama, Kampung Kubal, Betong ditahan Jumaat

Pemancing udang jumpa mayat terapung

MIRI: Sembilan pemancing udang galah dikejutkan dengan penemuan mayat seorang lelaki dalam keadaan tidak sempurna di Sungai Kuala Baram di sini, hari ini. Ekoran itu,