“Kita (pemberita) meseti madahka berita ti betul ngambi orang ti macha surat kabar bulih penerang ti nyemetak.”
KUCHING: Tanggungpengawa nyadi pemberita siti batang pengawa ti profesional ukai ngarang pekara ti ditempa sengapa.
Siku pemberita vateren Farush Khan Akbar Khan madahka berita ti ditulis siku pemberita deka meri empas ti dalam nyema salah.
“Anang sengapa ngarang berita nitihka runding kita empu. kitai nadai tau melaba siti-siti pekara enti nadai nemu nyemetak.
“Kita (pemberita) meseti madahka berita ti betul ngambi orang ti macha surat kabar bulih penerang ti nyemetak,” ku iya.
Farush bejaku munyi nya lebuh nyadi fasilatator Bengkel Pemun Pemberita ba sebuah hotel ditu, ensana.
Ku iya, dalam mantaika berita, siku pemberita patut nekanka pekara ti nyadi kemaya hari tu, pekara ti narit ati enggau pekara ti ngasuh orang tekenyit ngambika orang rindu macha.
Kelimpah Farush, bengkel nya mega bisi ningaka licha ari Direktor Opis Bomba enggau Penyah Penusah (JPBM) Sarawak Khirudin Drahman @ Hussaini enggau Senior Managing Editor Borneo Post Francis Tan.
Bengkel ti diatur Commonwealth Journalists Association (CJA) pampang Sarawak dua hari berunggu nya disereta pemberita ari Suara Sarawak, New Sarawak Tribune, Opis Pemadah, Sin Chiew Daily, Unit Komunikasyen Mensia Mayauh Sarawak (Ukas) enggau ejensi bukai.
Sama bisi datai Chairperson CJA pampang Sarawak Alice Wee Siok Lian enggau bala komiti bukai.
