Berunding panjai sebedau milih ketuai

KUCHING: Anang semina deka nguji ba pengawa bepilih, ku Menteri Pengintu Pengelantang Pendiau, Komuniti, Orang Indu enggau Pemansang Anak Mit (KWKPK) Datuk Seri Fatimah Abdullah.

Ku iya, penanggul politik ti nyadi ba menua seberai patut nyadi lalau sereta malin ngagai rayat Sarawak.

“Lebuh milih orang ke nyadi ketuai, rayat meseti berunding panjai sebedau milih.

“Enti ulih anang ngasuh pekara ti nyadi ba menua seberai nyadi ditu,” ku iya madah nyemetak.

Nangkan nya ku iya, Sarawak chukup benasip laban bisi orang ti chakah ngintu pengelantang rayat menua tu.

“Nya kebuah enti kitai meda Sarawak mengkang lantang sereta nyelai dibandingka enggau menua bukai.

“Ngarapka Sarawak seruran lantang nyentukka belama iya,” ku iya.

Fatimah madah munyi nya lebuh nyimpul Wacana Minda: Buletin Indikator Rama Sarawak Siri Masa 2015-2016 di Auditorium Pustaka Negeri Sarawak, ditu tadi.

Suara Sarawak