ARTIKEL

GAMBAR KENANG… Uggah (kanan) begambar ungkup kenang enggau Vanu ba penemuai basa ditu, tadi.

Betanam betupi vertikal S’pore tau ditunda

Facebook
Twitter
LinkedIn
WhatsApp
Telegram

KUCHING: Sarawak tau belajar enggau nunda chara betanam betupi vertikal Singapore, ku Sapit Premier Sarawak, Datuk Amar Douglas Uggah Embas.

“Kebuah pia laban pengawa nya inovasyen sektor betanam betupi moden enggau ngena teknologi moden dikena ngatur kandang ngelingi betanam betupi.

“Tu manah dikena rebak baru ti bisi pelajar di menua pesisir laban kitai deka meda mayuh agi raban nembiak ngaul diri ba pengawa betanam betupi moden nyadi batang pengawa sida.

“Berebak enggau nya, kitai ulih nambah ke asil enggau produk pemakai nengeri tu,” ku iya.

Uggah bejaku munyi nya lebuh nerima penemuai basa ari Pesuruhjaya Tinggi Singapore ke Malaysia, Vanu Gopala Menon, di opis iya ditu tadi.

Iya madah baru, Sarawak diatu nyelinting pengawa nambahka asil berau dikeluar.

“Juluk Opis Industri Pemakai, Komoditi enggau Pemansang Wilayah Sarawak dekaka 60 peratus tikas belanja diri ba pengeluar berau manggai taun 2030.

“Reti iya, perintah nengeri meri perati ngagai berau dikeluarka,” terang iya nyemetak.

Baca lain  Segulai Sejalai mai Malaysia majak maju

Nya alai Uggah ngarap ke Sarawak ulih ngena teknologi baka ngena dron, kelimpah meri perati ngagai pengawa bekenaka benih hibrid enggau ngetau mekanikal.

BERITA LAIN

Tim Segak FC nyulut

KUCHING: Tim Segak FC mujur ngempu gelar champion ba Pekit Main Bol Empat Penjuru Trofi Segak FC 2024. Tim ti mayuh dipilih nya mujur ngalahka

Kelas ngajat deka diatur enda lama agi

SAMARAHAN: Serakup Dayak Bukit Kelingkang (DBK) Pampang Melikin begulai enggau Kebudayaan Dayak Bumi Kenyalang (KDBK) deka ngatur Kelas Ngajat Renggat Ke-14 ba Samarahan enggau Serian.

BERITA TERBARU