Betuchuk vaksin dikena mutuska pengerekai Covid-19

BETONG: Peranak sarawak lebih agi ke udah beumur 18 taun ke atas diperansang nerima tuchuk vaksin covid-19.

Kaban Kunsil Nengeri (Adun) Layar, Gerald Rentap Jabu madah pengawa ngambi vaksin nya beguna amat dikena mutuska pengelekai penyakit Covid-19.

Iya madah munyi nya maya dirandau pengudah nerima tuchuk keterubah vaksin ba Klinik Pengerai Mid Layar nyerumba pengawa Bejadika Program Vaksinasyen Covid-19 pelilih Betong ensana.

Ku iya, pengawa ngambi vaksin nyengala mujur ulih ngurangka penyampau kena rampit penyakit nya lalu tau meri pengandal baru ngagai rayat awak ulih ngemeranka daya idup baka selama.

Urung 144 staf opis pengerai ari klinik-klinik pengerai ba pelilih Betong enggau staf ba opis pengerai bagi menua Betong ditaga nerima tuchuk vaksin renggat keterubah program imunisasyen nya.-Ukas

Suara Sarawak