ARTIKEL

Bicara Bujang Berani ngenang semangat Agi Idup Agi Ngelaban

Facebook
Twitter
LinkedIn
WhatsApp
Telegram

KUCHING: Kena 7 Disember tu tadi, Opis Sapit Dekan Fakulti Sains Sosial dan Kemanusiaan Universiti Malaysia Sarawak (UNIMAS) bisi ngatur pengawa randau ti dikumbai Siri Bicara Pahlawan tauka Program Randau Bujang Berani.

Nitihka penerangan Sapit Dekan Faskulti Sains Sosaial dan Kemanusiaan, Dr Regina Garai, nya meh ketujuh kali Fakulti Sains Sosial udah ngatur randau ti baka nya.

Iya madah, Siri Bicara Pahlawan nya nyadika panggau alai orang mayuh nusi kediri empu peneleba sida lebuh berambunka nyawa ngetanka menua ari dilanggar munsuh bepelasarka semengat Agi Idup Agi Ngelaban.

“Baikka sida nya soldadu, polis, Border Scout tauka orang periman (Civilan), sida endang bisi tanggungpengawa sama ngetanka menua ari dikeruga munsuh.

“Rambai leka jaku ti dikena dalam program randau tu nyadi panggau alai orang mayuh becheritaka naratif sida awakka lalau dipekunsi enggau orang mayuh ti bukai mega.

“Randau tu endang senutuk endar enggau pengingin universiti tauka fakulti ti seruran deka ngaduka kaul ti meruan enggau orang mayuh tauka komuniti,” ku iya.

Panel ti bisi diambi bejaku maya nya kemari iya nya ex-Sapit Kepala Menteri Sarawak, Datuk Patinggi Tan Sri Datuk Dr Alfred Jabu anak Numpang.

Dr Regina madah, Datuk Patinggi becherita enggau bekunsika penelaba iya lebuh ampit enggau mindahka orang mayuh ngagai sitak gempuru di Rajang Area Security Command (RASCOM) lebuh iya agi nyadi pemesai ba Opis betanam Betupi ba pun taun 1970-an menya.

“Kelimpah ari becherita senentang pemerinsa sida mindahka orang lalu pia mega pemerinsa orang ti enggau pindah laban tuju komunis maya nya sigi deka ngeruga menua awakka ulih numbangka perintah.

“Bala ti diau di ulu sungai lalu jauh ari dikemataka bala soldadu lalu dipindah ngagai skim gempuru ti dikumbai Rajang Area Security Command tauka RASCOM, awakka sida enda mudah dikeruga komunis,” terang iya.

Nambahka nya ku Dr Regina, Datuk Patinggi mega meri penerang senentang operasi ti besai dikena ngaduka rayat awakka enda ulih dikeruga sereta dilimpangka komunis baka Ops Sarak enggau Ops Bebatak.

“Ops baka tu diatur dikena ngaduka pengelikun menua ari dilanggar bala munsuh.

“Datuk Patinggi mega ngelalau bala nembiak rebak baru awakka belajarka utai ti udah nyadi lalu meransang sida anang enda sama bela ngembuan semanagt ke tinggi lalu berani ngetanka menua.

“Kebuah pia laban penusah enggau pengiruh ti udah disepi orang ke dulu subah lebuh sida ngetanka menua Sarawak sigi mayuh.

“Kitai enda tau enda ngingatka ‘pengoraban’ tauka jasa sida nya lalu nyaga pemaik enggau pengelikun menua ti udah ulih sida lalu enda tau enda diubun tauka diintu kitai enggau manah,” ku Dr Regina nyemetak.

Sama ningaka program randau sehari nya urung 120 iku datai ari bala nembiak UNIMAS empu, raban ari Serakup Sejarah Malaysia Pampang Sarawak betuaika Datu Putit Mat Zin, kaban veteran Sarawak Ranger betuaika Lt Kol Mohd Melintang, bala pengelicha enggau pemesai UNIMAS ke bukai.

Sama bisi mantaika penemu sereta meri jaku peransang ba program randau nya baka Leftenan General (Pinchin) Datuk Stephen Mundaw, Lt Kol (Pinchin) Mohd Melintang, Lt Kol (Pinchin) Dato Fabian Wong enggau Lt Kol (Pinchin) Dato Anwar Basha Khan seraya Dr Regina udah dipadu nyadi tukang pematak randau nya.

Sama bisi bejaku ngelaluka penatai bala mayuh ngagai randau nya Dekan Fakulti Sains Sosial dan kenausiaan, Profesor Dr Neilson Ilan Mersat.

BEKUNSI PENELEBA… Leftenan General (Bersara) Datuk Stephen Mundaw bekunsika peneleba lebuh nyadi Panglima Medan.
KENA MERI TERIMA KASIH… Dekan Fakulti Sains Sosial dan Kemnusiaan, Profesor Dr Neilson Ilan Mersat, ngarika UNIMAS nyuaka tepa ngagai Datuk Paringgi Jabu.
NYADI PENGINGAT… Begambar bebala mayuh pegudah abis Program Randau Bujang Berani.
MAYUH CHERITA DIKUNSI… Bala ke sama ngulu Program Randau Bujang Berani begambar ba luar alai ngatur pengawa ba Fakulti Sains Sosial dan Kemanusiaan, UNIMAS.

LAIN-LAIN BERITA

Lebih 360,000 ngusung Muzium Budaya Borneo

KUCHING: Muzium Budaya Borneo (BCM) ngerikod lebih 360,000 pengusung sepemanjai taun 2023. Menteri Dagang Temuai, Industri Kreatif enggau Seni Pemerindang (MTCP), Datuk Seri Abdul Karim

Mi kolo digazet nyadi Pemakai Pesaka Menua

KUCHING: Pemakai ti dikerindu mensia mayuh di Sarawak, mi kolo diatu udah digazet nyadi siti Pemakai Pesaka Menua tauka ‘Makanan Warisan Kebangsaan’. Pekara nya mega

Batu Kawa deka bisi ‘water park’

KUCHING: Peranak ba Sitak Kunsil Nengeri (DUN) Batu Kawa deka terus ngasaika transformasyen pemansang lebuh pengawa ngerichah peluang dagang temuai ari perambu ngaga taman rekreasyen

BERITA TERBARU