SARATOK: Projek pemungkal Lia Bentong Fertigasyen ba Rumah Tama, Nanga Melupa dikeandal ulih matak mayuh agi projek sebaka ditumbuh udah tu.
Chairperson Biro Indu iya, Lemunai Digat madah, projek dipun ba rumah panjai sida nya deka ngerandang jalai dagang ngagai bala bukai ti sama rinduka pengawa betanam.
Ku iya, bekenaka teknologi baru nanam lia baka chara fertigasyen kebendar mayuh pengelebih enggau penguntung lalu tu mih nyadi peransang sida.
“Kami betubuh 16 iku bepun enggau 5,000 tambak Lia Bentong ti bisi pengulih besai enggau peminta tinggi ba makit menua enggau entarabansa baka Hong Kong enggau Britain.
“Lia Bentong bisi kualiti tinggi enti dibanding enggau lia ari menua Indonesia, Thailand, China (Hong Kong), Taiwan enggau Amerika Syarikat.
“Nya alai kami bisi amat pengandal projek tu ulih nyungkak ekonomi rama kami serumah lalu tau ditunda peranak rumah panjai bukai ti bisi ati ngaul diri ba pengawa ke sama,” ku iya.
Lemunai mansutka jaku nya lebuh dirandau pemberita pengudah tembu pengawa bejadika Projek Lia Fertigasyen Biro Indu Rumah Tama Ancharang, Nanga Melupa ditu, apin lama ke udah.
Pengawa nya diatur beserimbai enggau Program Berandau Enggau Rayat ke alai Sapit Menteri Pengeluar Kuasa enggau Pengeraja Asal, Ali Biju udah dipebasa bejadika pengawa sehari nya.
Berita penuh Ruai 8 pagila
