ARTIKEL

Bisi 4,317 kes salah guna dadah dirikod naka Julai

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

KUCHING: Naka bulan Julai tu tadi, Opis Pansik Penyalah Narkotik (JSJN) IPK Sarawak udah ngerikodka sepenyampau 4,317 kes salah guna dadah di Sarawak, ku Menteri Pengintu Pendiau, Pengelantang Komuniti, Orang Indu, Ruang Bilik enggau Pemansang Anak Mit, Datuk Seri Fatimah Abdullah.

Iya bejaku munyi nya maya nerima penemuai basa ari Sapit Kepala Polis, DCP Mancha Ata di opis ya, ensanus.
Ku Fatimah, rikod madahka sepenyampau 8,509 orang ti ngereja pengawa salah guna dadah enggau narkotik udah ditangkap sekumbang taun 2019.

“Taun ti udah ngerikodka kes penyalah narkotik udah niki manggai 10,294 orang udah ditangkap iya nya 20.97 peratus maya Atur Mindah Betagang (PKP) bepun dipejalaika maya 18 Mac nyentuk Mei 2020.

“Seraya nya, sepenyampau 4,317 orang ti ngereja pengawa salahguna dadah enggau narkotik udah dirikodka maya taun 2021,” ku iya.

Berebak enggau nya, penyalah indeks udah bekurang sepenyampau 25.5 peratus (568 kes) bekaul enggau orang beumur 26 nyentuk 40 taun banding enggau timpuh ti sama maya taun 2020.

Udah nya, kes bekaul enggau penyalah reta mega udah bekurang ngagai 40.73 peratus (848 kes).

Ari penyampau penyalah indeks nyentuk Julai 2021 (1,652), 9.4 peratus kes (156 orang) dipelaba bisi bekait pekara salahguna dadah enggau narkotik.

Penyalah judi nengah tali arus udah direkodka sepenyampau 67.31 peratus (766 kes) maya Januari nyentuk Jun 2021.

Bekaul enggau penyalah kes munuh diri, sepenyampau 49 kes udah diripot maya bulan Januari nyentuk Disember 2021 seraya 37 kes mega diripot dalam kandang bulan Januari nyentuk Jun 2021.

“Ari penyampau kes ungkup dua taun nya, 80.23 peratus (69 iku) iya nya orang lelaki.

“Ungkup kes nguji munuh diri, sepenyampau 24 kes udah dirikodka maya bulan Januari nyentuk Jun 2021 enggau 27 kes ungkup timpuh ti sama ba taun 2021 sereta nunjukka kes tu udah niki sepenyampau 12.5 peratus (3 kes) taja taun 2021 empai apus,” ku iya ensanus.

Berebak enggau nya, penyalah kes pasung udah dirikodka niki manggai ngagai 6.5 peratus iya nya 76 kes ba taun 2020 enggau 81 kes dalam taun 2021.

Fatimah nanduka sepenyampau 77.77 peratus (63 kes) bekait enggau sida beumur 13 nyentuk 16 taun lalu 58 peratus (27 kes) tudah kes pasung tu udah ditemu betubuh bisi.

Sepenyampau 14.28 peratus (69 kes) ungkup kes ulah kasar ba ruang bilik dalam timpuh bulan Januari nyentuk Julai, 2020 udah ngerikodka 483 kes udah bekurang ngagai 414 kes ba taun 2021 ti bepun ari penyalahguna dadah enggau narkotik.

Banding sebedau PKP enggau dalam timpuh PKP dipejalaika udah nunjukka sepenyampau 4 peratus (65 kes) udah niki ungkup timpuh Februari 2019 nyentuk Februari 2020 (690 kes) enggau dalam timpuh bulan Mac 2020 nyentuk Mac 2021 (755 kes).

BERITA LAIN

Nempa Sarawak nyadi tibang pemakai

TUSUN KETERUBAH MINAT Reynold anak Jacktola, 29, ti rindu agi dikangau Nol ba pengawa betanam betupi nya endang dikembuan iya ari mit laban iya datai

Tebing Sungai Saratok deka diseleti meruan

SARATOK: Perintah Sarawak deka nyeleti pengkalan ba seberai Pasar Saratok enggau jematan dikena ngelayang Sungai Paon. Kaban Kunsil Nengeri (ADUN) Kalaka, Mohamad Duri madah, sepenyampau

BERITA TERBARU