Bisi 533 kes positif Covid-19 di Sarawak udah mujur suman

KUCHING: Sarawak sehari tu ngerikod dua kes baru positif Covid-19 mujur suman ngujungka penyampau kes udah suman naka tu bisi 533 kes.

Berebak enggau nya Komiti Penyaga Penusah Ngenyit Nengeri (JPBN) dalam siti penerang madahka Sarawak naka tu agi mengkang 556 kes beduduk ari nadai rikod baru positif Covid-19.

“Bisi dua iku kes baru udah suman lalu diasuh pulai ari Sepital Besai.

“Tu ngujungka penyampau kes positif ti udah suman bisi 533 iku,” ku penerang nya tadi.

JPBN madahka, bisi 14 iku orang Pesakit Agi Dipatau (PUI) dirikodka lalu tujuh agi kes agi nganti pansik makmal.

“Sehari tu (kemari) bisi 125 iku Orang Agi Dipatau (PUS) udah direjister ba hotel ngambika dikuarantin.

“Tu ngujungka penyampau semua PUS ba 16 buah hotel bisi 1,041 iku,” ku penerang nya.

Pia mega, bisi 30 iti palan udah diperesi kemari ngujungka kesemua palan ti udah diberesi ba Sarawak manggai 1,033 buah.