ARTIKEL

Bisi dua palan disedia endur ngambi bantu pemakai ungkup Parlimen Julau

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

JULAU: Tuai Bilik (KIR) di Pakan enggau Julau ti apin nerima bantu barang pemakai dipinta ngambi bantu nya abis laun tauka sebedau 11 Julai tu.

Kaban Parlimen Julau,Larry Sng madahka bantu barang pemakai nya tau diambi ba Dewan Betutup di Julau enggau Shiang Jiang Cafe ungkup peranak di Pakan.

“Aku minta barang sapa KIR ti apin nerima bakul bantu pemakai tu ulih undur ke pasar lalu ngambi bantu ungkup diri ba palan ti udah ditetap.

“Arapka mensia mayuh semampai ngasika Atur Pengawa Standard (SOP) ditetapka perintah lebuh ngambi bantu ba dua iti palan nya,”ku iya madah nengah sebengkah penerang, sehari tu.

Ba sebengkah agi penerang ti bekaul, Larry madahka diri chukup gaga laban sitak Julau diatu entara sitak ti pemadu tinggi ngerikod penyampau peratus peranak menua ti udah betuchuk vaksin iya nya 82 peratus.

“Berasai lantang endar ati laban urung 82 peratus peranak di Julau ditu udah mujur betuchuk lalu nyentukka sehari tu (kemari) mega nadai sebarang kes baru positif Covid 19 diripot.

“Nya alai,enggau kerejasama rat entara raban bekaul kelimpah ari gaya ulah peranak menua ti ngasika SOP,aku pechaya peranak Julau ulih menang ngelaban igi penyakit tu,”ku iya.

Ungkup penerang, bisi sepenyampau 9,100 iku KIR di Julau enggau Pakan. Ari penyampau nya, 4,612 KIR udah nerima bantu barang pemakai.

BERITA LAIN

2,000 belanda seraya ngintu rampa menua

KUCHING: Urung 2,000 penyereta ngulu program belanda pengasih besuluka jaku Run To Save Lives 4.0 ti belabuh ba mua Majlis Bandaraya Kuching Selatan (MBKS), ditu

BERITA TERBARU