ARTIKEL

Bisi tujuh TADIKA enggau TASKA deka dibuka taun tu dikena mantu apai indai

Facebook
Twitter
LinkedIn
WhatsApp
Telegram

BINTULU: Bisi tujuh palan nyeridi nembiak mit (TADIKA) enggau empat palan ngibun anak mit (TASKA) baru deka berengkah beoperasyen taun tu.

Nya nyengkaum TADIKA SeDidik Taman Merdang, Samarahan ti deka beoperasyen bulan tu.

Pia mega, TADIKA Star Wonderland, Kuching, TADIKA Super Good Kids, Samarahan enggau TADIKA Mutiara Kasih, Samarahan sereta TASKA ba Palan Gawa SeDidik UITM Samarahan beoperasyen bulan March.

Seraya TADIKA SeDidik Rumah Seliau, Selangau enggau TADIKA SeDidik Long Tebanyi, Baram beoperasyen bulan September sereta TASKA ba Palan Gawa SeDidik Baitulmakmur 2, Kuching beoperasyen bulan Mei.

TASKA SeDidik Betong deka beoperasyen bulan June enggau TASKA ba Palan Gawa PPKS, Kuching berengkah beoperasyen bulan Septemner tu.

Ku Menteri Pemansang Indu, Nembiak Mit enggau Pengintu Pengelantang Komuniti, Datuk Seri Fatimah Abdullah, naka Disember 2023, bisi 20 buah TASKA Ba Palan Gawa (TTK) di selampur Sarawak ke alai 11 buah ari palan nya di baruh SeDidik, lapan peribit enggau sebuah agi di baruh Gerempung Pelajar Kaunsil Islam Sarawak (BPPMIS).

Iya madah, pengawa numbuhka TASKA ba Palan Gawa (TTK) nya siti sistem sukung ngagai apai indai ti gawa kelimpah ngambi apai indai enda irau ke pengelikun anak sida.

“Tu nyaup apai indai fokus ngagai kereja sida sereta nambah produktiviti enggau kualiti servis ejensi,” ku iya.

Fatimah mansutka jaku nya pengudah nyuaka Geran Ninting Taun Khas (GTK) penyampau RM5,000 ngagai Chairperson Pengibun enggau Pengajar Tumu Nembiak Mit Bintulu (PAKB), Mariani Jaafar ba Taska Permata Kasih, ditu kemari.

Nangkan nya, Fatimah madah, naka 27 Disember 2023, bisi 3,033 Institusyen Tumu Nembiak Mit (IPAKK) ba selampur Sarawak mungkur 2,801 buah tadika enggau 232 buah taska.

Iya mega madah, nengah kerejasama semua ejensi, Sarawak udah manggai 98.71 peratus nembiak mit Primari Satu sesyen 2023/2024 ti udah tama prasekula tauka tadika.

Nya alai, iya madahka peratus nya endang siti pekara ti patut dikemegah laban udah ngelui pemujur 88.81 peratus ba renggat nasional.

Berindik ari pemujur nya, ku Fatimah, Sarawak deka terus nambahka akses ngagai pelajar tumu nembiak mit ti bisi kualiti enggau netapka tagit 100 peratus nembiak mit masuk prasekula manggai taun 2030.

LAIN-LAIN BERITA

Lebih 360,000 ngusung Muzium Budaya Borneo

KUCHING: Muzium Budaya Borneo (BCM) ngerikod lebih 360,000 pengusung sepemanjai taun 2023. Menteri Dagang Temuai, Industri Kreatif enggau Seni Pemerindang (MTCP), Datuk Seri Abdul Karim

Mi kolo digazet nyadi Pemakai Pesaka Menua

KUCHING: Pemakai ti dikerindu mensia mayuh di Sarawak, mi kolo diatu udah digazet nyadi siti Pemakai Pesaka Menua tauka ‘Makanan Warisan Kebangsaan’. Pekara nya mega

Batu Kawa deka bisi ‘water park’

KUCHING: Peranak ba Sitak Kunsil Nengeri (DUN) Batu Kawa deka terus ngasaika transformasyen pemansang lebuh pengawa ngerichah peluang dagang temuai ari perambu ngaga taman rekreasyen

BERITA TERBARU