Bobby ngiga tim baru

KUCHING: Kontrak Bobby Gonzales begulai enggau tim Sarawak lalu empai bisi sebarang berita ari Gerempung Main Bol Sarawak (FAS) ungkup liga taun 2020.

Ex-penyerang Sarawak nya madah, iya naka tu bedau nerima sebarang kontrak baru ari FAS.

“Nya alai, aku nadai agi begulai enggau tim Sarawak laban kontrak nadai disambung.

“Naka tu aku patut ngiga tim baru,” ku iya maya dirandau Suara Sarawak kemari.

Tandu iya, sebedau tu iya kala nerima kangau ari sekeda kelab ari Semenanjung Malaysia tang bedau nyaut kangau nya laban bedau nerima pemutus ari FAS.

Kelimpah nya, Bobby mega madah deka berandau enggau tim ti kala ngangauka iya awakka ulih nanya pasal penuduk puang dalam tim.

“Aku deka bebendar ngangka rikod tim baru aku ila lalu mantu sida nyapai juluk tim.

“Juluk besai aku ungkup taun baru ila iya nya deka nyadi penyekor gol pemadu mayuh,” ku iya.

Iya mega ngelalau ex-tim iya awakka nyaga pemanah nama Sarawak FA lalu badu nandu pengilap ti sebaka.

Suara Sarawak