ARTIKEL

UNGKUP KENANG… Khirudin (tengah) begambar ungkup kenang enggau bala bukai rambau nemuai ngagai BBP Sarikei ditu, ensanus.

Bomba udah sedia napi musin landas

Facebook
Twitter
LinkedIn
WhatsApp
Telegram

SARIKEI: Sibu ti mega zon tengah Sarawak nyadi bagi menua pemadu besai sereta dikelala ngembuan mayuh sungai.

Direktor Opis Bomba enggau Penyah Penusah Sarawak (JBPS), Datuk Khirudin Drahman madah, endang amat penusah bah suah nyadi ba bagi menua nya.

“Kebuah pia laban musin landas sereta ai sungai enggau tasik ti niki ngujung ke bagi menua nya suah napi penusah bah.

“Taja pia, raban kami begulai enggau komuniti udah nyikap diri napi penusah tu lalu tu mega mantu ngurangka pengirau sida,” ku iya.

Khirudin mansutka jaku nya rambau nemuai ngagai Balai Bomba enggau Penyah Penusah (BBP) Sarikei ditu, ensanus.

Ngelansa silik, ku iya, kelimpah ari zon selatan enggau utara Sarawak, zon tengah mega bela diberi perati laban ngembuan mayuh sungai enggau gaya rampa menua ti bebukit.

Iya mega madah, JBPS udah nyikap diri napi musin landas ba mayuh sukut nyengkaum ngelala sekeda endur ti suah dituntung penusah bah enggau tanah tusur.

“Pelasar penuh tu beguna amat dikena ngurang kes bebadi nyawa enggau pengerusak reta tengkira.

“Nengah pengawa nyikap diri tu, kitai ulih ngurang empas enda manah ari sukut topografi ba sitak nya.

“Kelimpah ari bomba, ejensi bukai dikuasa komiti pengatur penusah bagi menua patut nentu sitak ti suah napi penusah tanah tusur, jalai putus, bah sereta nyendia Palan Pengenduh Sementara (PPS),” terang iya.

LAIN-LAIN BERITA

BERITA TERBARU

SAR hari kelima, bayi 18 bulan belum ditemui

KANOWIT: Operasi mencari dan menyelamat (SAR) seorang bayi lelaki berusia 18 bulan yang dikhuatiri terjatuh dalam sungai Kanowit di Nanga Germai di sini, Ahad lalu