ARTIKEL

Bonus dua bulan batang gaji endang engkeman

Facebook
Twitter
LinkedIn
WhatsApp
Telegram

KUCHING: Pengawa meri bantu khas bonus sepenyampau dua bulan batang gaji ulih ngelempungka tating pengidup sida ti gawa perintah.

Pekara nya dibantai Chairman Kongres Serakup Pengereja Pengawa Perintah (CUEPACS) Sarawak, Jubilee Jineh ba sebengkah penerang kemari.

Iya madah, inisiatif nya endang dipuji laban seraris enggau kos pengidup kemaya hari tu ti majak nambah sereta ditapi orang gawa perintah.

“Nya alai, aku ngelalau semua orang gawa perintah ba nengeri tu chakah agi bejalaika pangku pengawa diri enggau lurus ati, integriti sereta bisi tanggungpengawa.

“Kitai begulai enggau Perintah Gempung Parti Sarawak (GPS) nyapai juluk nempa nengeri tu maju manggai ba taun 2030,” ku iya.

Berebak enggau nya, iya beterima kasih ngagai Perintah Sarawak ti betuai ke Premier Sarawak, Datuk Patinggi Tan Sri Abang Johari Tun Openg laban udah mantaika gerah nya.

“Aku ngarika semua orang gawa perintah nengeri enggau Perintah Besai beterima kasih ngagai Perintah Sarawak laban meri bantu bonus dua bulan batang gaji ngagai kami,” ku iya.

Orang gawa perintah nengeri deka nerima bonus dua bulan batang gaji lalu orang gawa Perintah Besai ti gawa ba Sarawak deka nerima bantu RM600 sebedau ujung taun tu.

Abang Johari mantaika gerah nya rambau nyimpul jurai aum Kunsil Nengeri (DUN) kemari seraya madah sepenyampau RM172 juta agih belanja ungkup tuju nya.

“Dipelaba bisi 28,000 raban orang gawa perintah Sarawak deka nerima bantu bonus nya,” terang Abang Johari.

LAIN-LAIN BERITA

Lebih 360,000 ngusung Muzium Budaya Borneo

KUCHING: Muzium Budaya Borneo (BCM) ngerikod lebih 360,000 pengusung sepemanjai taun 2023. Menteri Dagang Temuai, Industri Kreatif enggau Seni Pemerindang (MTCP), Datuk Seri Abdul Karim

Mi kolo digazet nyadi Pemakai Pesaka Menua

KUCHING: Pemakai ti dikerindu mensia mayuh di Sarawak, mi kolo diatu udah digazet nyadi siti Pemakai Pesaka Menua tauka ‘Makanan Warisan Kebangsaan’. Pekara nya mega

Batu Kawa deka bisi ‘water park’

KUCHING: Peranak ba Sitak Kunsil Nengeri (DUN) Batu Kawa deka terus ngasaika transformasyen pemansang lebuh pengawa ngerichah peluang dagang temuai ari perambu ngaga taman rekreasyen

BERITA TERBARU