ARTIKEL

Borneo Ultra Blue Trail 2023 mai penyereta bayam rampa menua Padawan

Facebook
Twitter
LinkedIn
WhatsApp
Telegram

KUCHING: Penyereta Borneo Ultra Blue Trail (BUBT) 2023 deka bayam pemanah rampa menua sereta penyelai budaya ba Pelilih Mit Padawan kena 29 Oktober tu.

Ku Sapit Menteri Pengangkut Darat enggau Langit, Datuk Dr Jerip, program ti diatur ba Balai Gerempung Biannah nya ngangkatka Pelilih Mit Padawan nyadi palan ekonomi dagang temuai ba Sarawak enggau Malaysia.

Ku iya, bisi tiga kategori belanda iya nya 10 kilometer (KM), 30KM enggau 50KM ti deka ngerenchah sekeda genturung pendiau sereta ai wong ba sitak Bidayuh Bi’annah.

“Borneo Ultra Blue Trail deka nengah lima buah genturung pendiau iya nya Kampung Annah Rais, Kampung Sadir, Kampung Sibuang, Kampung Sibakar enggau Kampung Simuti.

“Pekit tu mega deka nengah Rumah Panjai Annah Rais, pegung ai angat Annah Rais, Ai Wong di Kampung Sadir, Ai Wong di Kampung Sibakar enggau Rumah Panjai Kampung Simuti,” ku iya.

AUM PEMBERITA… Jerip (dua kiba) bejaku ba aum pemberita serimbai Borneo Ultra Blue Trail (BUBT) 2023. Sama bisi dipeda, Pegawai Opis Pelilih Mit Padawan, Julius Scott Sapong (kiba) enggau pengatur begulai BUBT 2023 Josh Tan (kanan).

Jerip mansutka jaku nya ba aum pemberita di opis iya ba Begunan Baitulmakmur, ditu kemari.

Jerip ke mega ADUN Mambong madah, pekit belanda nya dipasuk 190 penyereta dalam menua enggau menua luar ari Brunei, Indonesia, Singapura, Filipina, Belanda, Jerman enggau Nigeria.

Nengah penatai penyereta ari Semenanjung Malaysia enggau menua luar, iya ngarapka penyereya ulih ngasaika peneleba enggau bayam pemanah rampa menua.

“Ditu sida deka ngasaika produk dagang temuai dikembuan kitai baka pegung ai angat, ai wong enggau pengidup ba rumah panjai.

“Semua tu deka nyadi sebagi ari peneleba sida, ukai semina belanda aja,” terang iya.

Kelimpah ari nya, ku Jerip, lumba tradisional nya diatur seretai dikena ngisi program enggau chabut tikit benasip.

Bisi mega palan bejual pemakai dibuka ba program nya ti nyual pemakai asal raban bansa Bidayuh.

BUBT 2023 nya diatur Opis Pelilih Mit Padawn enggau disukung Palan Servis DUN Mambong, Alpha Sport Event enggau Gerempung Bi’annah.

Champion ungkup kategori 50KM deka mai pulai perais mata duit RM400, seraya lumur dua nerima RM300, lumur tiga nerima RM250, lumur empat deka nerima RM200, lumur lima nerima RM150 sereta lumur enam nyentuk ke-10 deka bulih RM100.

Seraya champion ungkup kategori 30KM deka mai pulai perais mata duit RM300, lumur dua RM250, lumur tiga RM150, lumur empat RM110, lumur empat RM80 seraya lumur enam nyentuk ke-10 deka bulih RM60.

Kelimpah ari nya, ungkup kategori 10KM, champion deka bulih RM200, lumur dua RM170, lumur dua RM120, lumur empat RM100, lumur lima RM70 sereta lumur enam nyentuk ke-10 bulih RM50.

LAIN-LAIN BERITA

Projek ART Johor bechuntoka pemujur Sarawak

KUCHING: Sistem Transit Aliran Autonomi (ART) di Sarawak deka nyadi malin ungkup projek ART ti deka dipejalai di nengeri Johor. Perintah Nengeri Johor benung ngelanggur

Sarawak ngulit dua hari

KUCHING: Perintah Sarawak ngemendarka timpuh ngulit selampur nengeri pengelama dua hari, belabuh sehari tu enggau pagila. Nambah ke nya, tambai mega digitang tengan tiang aja

BERITA TERBARU

Kebakaran belukar di Lawas terkawal

LAWAS: Kebakaran belukar dilaporkan di hadapan Ibu Pejabat Polis Daerah baharu di Jalan Bating di sini pada pukul 9 pagi tadi. Seramai 12 anggota dari

Berita yang menyedihkan – Datuk Sim Kiang Chiok

KUCHING : Pengerusi Persatuan Pemaju Perumahan dan Hartanah Sarawak (SHEDA) Cawangan Kuching Datuk Sim Kiang Chiok, menyifatkan pemergian bekas Yang di-Pertua Negeri Tun Abdul Taib

Projek ART Johor bechuntoka pemujur Sarawak

KUCHING: Sistem Transit Aliran Autonomi (ART) di Sarawak deka nyadi malin ungkup projek ART ti deka dipejalai di nengeri Johor. Perintah Nengeri Johor benung ngelanggur