ARTIKEL

BUAI CHARA TI BETUL… Bernard Yong (kiba), Tiong (dua ari kiba) enggau Jack Liam (tiga ari kiba) disempulang bala bukai nunjukka poster senentang narak mensia mayuh muai tayar enggau chara ti betul.

Buai tayar lama chara ti betul

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

KUCHING: Tiga ejensi chakah ngatur pejalai narak penyedar ngagai mensia mayuh senentang pengawa muai tayar lama enggau chara ti betul.

Kerejasama tu udah dipelajai entara Opis Bomba enggau Penyah Penusah Nengeri Sarawak (JBPM) enggau Kaunsil Pengeraja Asal enggau Rampa Menua (NREB) Sarawak sereta ZHA Environmental Sdn. Bhd.

Kontroller Kualiti Rampa Menua, Jack Liam madah, program muai tayar lama udah diatur nengah NREB bepun ari taun 2012 nyentukk 2038 ila.

Pengawa tu diatur dikena ngumpul tayar lama ngena chara pechuma seraya mutarka tugung tayar lama enggau chara ti berurun agi ba selampur nengeri tu.

Jack mansutka jaku nya ba aum pemberita begulai enggau JBPM Sarawak, NREB Sarawak sereta ZHA Environmental Sdn.Bhd ba Indu Opis JPBM Sarawak, ditu kemari.

Jack madah, ZHA Environmental Sdn.Bhd udah mujur nugung urung 93,860 tan matrik tayar lama ba nengeri tu.

“Kitai deka meri penyedar ngagai komuniti dikena mantu sida milihka ejensi ngumpul tayar nya nyengkaum madahka atur ngena tayar lama nengah serikat tu.

“Taja pia, kami udah neritka atur ukum enda ngelui RM30,000 tauka dijil enda lebih setaun, tauka kededua sekali ngagai sida ti ngereja penyalah bekaul pekara tu,” ku iya nyemetak.

Ba lansa sebaka, Pemangku Direktor Opis Bomba enggau Penyah Penusah Nengeri Sarawak (JBPM) Tiong Ling Hii mega madah, inisiatif tu beguna endar dikena nagang penusah angus nyengkaum tayar ti disimpan ba rumah tauka palan bedagang.

“Enti diperati, bisi mega kes angus nyengkaum tayar lama udah diripotka lalu begunaka timpuh lama dikena ngerara penusah angus nya.

“Pia mega, penusah angus nyengkaum tayar tu udah ngamahka rampa menua ketegal sebun ari penusah nya,” terang iya.

Kelimpah ari nya, ku Direktor ZHA Environmental Sdn.Bhd. Bernard Yong, tayar lama ti dikena baru nya mega deka dianjung ngagai industri bekaul seraya ngembuan mayuh guna baka nyadika lantai taman main, tikai gim enggau produk otomotif.

“Kami meransang komuniti ti bisi tayar lama ulih telefon laban kami bisi bejalaika operasyen ba selampur Sarawak belabuh ari Hari Satu nyentuk Hari Enam.

“Pengari kami deka datai lalu ngumpul tayar nya chara pechuma,” terang iya.

Nya alai, mensia mayuh ti bisi minat deka muai tayar lama ulih telefon ngagai ZHA Environmental Sdn. Bhd nengah lumur, 082-287599.

BERITA LAIN

Pemansang asil nagih MA63

MIRI: Pemansang besai ti udah dijapai Sarawak kandang beberapa taun ke udah asil ari nagih hak di baruh Sempekat Malaysia 1963 (MA63). Kaban Kunsil Nengeri

Solar melepung HEP Batang Ai

BATANG AI: Projek ladang solar melepung diu Tekat Hidroelektrik (HEP) Batang Ai deka dikerembai, ngena 60 peratus ari 8,500 hektar pemesai tekat ai nya. Premier

Graduet meseti bisi pengelandik

KUCHING: Sapit Menteri Pelajar, Inovasyen enggau Pemansang Penau, Datuk Dr Annuar Rapaee nyemetak madah ke pengelandik diri beguna endar ngagai bala graduet kelebih agi ba

IPTN agi dikerandau enggau KPT

KUCHING: Pengawa numbuhka Palan Pelajar Tinggi Nengeri (IPTN) agi dikerandau ba renggat Opis Menteri Pelajar Tinggi (KPT). Sapit Menteri Pelajar, Inovasyen enggau Pemansang Penau, Datuk

Semilan PATI diburu pulai

KUCHING: Soldadu Darat Malaysia (TDM) mujur nagang semilan kampar (PATI) ari Indonesia ari tama ke menua tu di Biawak, Lundu kemari. Markas 1 Divisyen ba

BERITA TERBARU