ARTIKEL

Bungkur internet Bau manah

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

BAU: Bungkur enggau sambung internet ba nyau deka semua sitak ba Bau chukup ngemantupka ati.

Sapit Menteri Pengangkut ti mega ADUN Tasik Biru, Datuk Henry Harry Jinep madah, Pelilih Bau ti ngembuan rampa menua bebukit ngasuh sekela sitak dia nadai ngembuan bungkur internet ti meruan.

“Sitak tu napi penanggul internet ketegal penanggul rampa menua bebukit.

“Pekara tu meri penanggul ngagai servis penganjung digital ba sekeda sitak ba pelilih tu.

“Taja pia, naka diatu, pekara tu enda meri penanggul besai.

“Sigi bisi sekeda sitak ngembuan bungkur internet ti enda manah lalu tu dikumbai kitai black spot.

“Pia mega, ba mengeri pen bisi meh palan ti nadai bulih bungkur internet meruan baka tu,” ku iya.

Henry mansutka jaku nya rambau dirandau pemberita pengudah ngulu Pengerami Ngelalu Pengabang enggau Nutup Gawai ba Balai Sri Singai Kampung Sudoh ditu, sehari tu.

Iya madah, Perintah Nengeri deka chakah gawa sereta mai mayuh agi pemansang ti ulih meri pemaik ngagai rayat.

“Enti kitai maju, pemansang ti udah bisi ulih dikerembai, nya alai, kitai patut beterima kasih ngagai perintah.

“Pekara pemadu beguna iya nya kitai meseti chakah gawa ke rayat,” ku iya.

Ba program nya, bala pengabang dinah ngena bemacham bansa pemakai sereta diperindang ngena main asal bansa Bidayuh.

Pengerami nya berengkah diatur pukul 9 pagi nyentuk pukul 4 lemai lalu urung 10 servis katering bisi dikangau nyendiak pemakai ngagai bala temuai.

BERITA LAIN

Pengelanchar kuasa karan sepanjai Sukma dijaga

KUCHING: Opis Menteri Utiliti enggau Telekomunikasyen deka nentu bekal kuasa karan sepanjai Lumba Malaysia (Sukma) XXI 2024 ti deka diatur ba Sarawak lanchar. Sapit Menteri

BERITA TERBARU