Bup Menyusuri Sungai Sarawak: Nyerungkai jerita jeman sebedau 1840

KUCHING: Sebuah turai jerita lama diberi nama Menyusuri Sungai Sarawak ti nyerungkai jerita jeman sebedau taun 1840 suba ari keranjai jari Tom McLaughlin enggau bini iya, Suriani Sahari.

Pengarang bup, Suriani Sahari madah, mayuh penekul enggau pemar ditapi seduai melaki bini sekumbang ngarang bup nya sebedau mujur dichelak ungkup dibacha mensia mayuh.

“Bup tu mai kitai ngenang utai ke kala nyadi sebedau taun 1840-an iya nya sebedau jeman perintah dipegai Brooke di Sarawak.

“Kami duai ngarang bup tu ari jerita ditusui siku orang ti dikelala enggau nama Tungkat Kerabat,” lansa iya.

Suriani mansutka jaku nya lebuh dirandau pengudah tembu bekunsika isi bup Menyusuri Sungai Sarawak ba Koleksi Istimewa Pustaka Negeri Sarawak tadi.

Suara Sarawak