Casidy ditemu selamat pengudah miring

MIRI: Operasyen nyidi enggau nyelamat (SAR) siku lelaki ti diripotka lenyau kena Hari Lima tu tadi udah temu enggau selamat, pukul 11.15 pagi tadi..

Lelaki benama Cassidy Ali, 23 taun dipechaya lenyau pengudah nurun nginti ba Pengkalan Rembai, Sungai Melikat, Marudi ditu.

Pengawa ngiga lelaki ti lenyau nya disambung 8.30 pagi kemari ba sepanjai endur iya nginti.

Pengari Opis Bomba enggau Penyah Penusah Sarawak madah, lelaki tu ditemu enggau selamat urung 10.45 pagi penyauh enam kilometer (km) ari rumah panjai sida.

“Sebedau tetemuka lelaki tu, raban SAR (tim ketiga) datai ari sida Cassidy sebilik bisi miring ngambi ngiga chara dikena nyidi tudah tu.

“Maya miring, sida bisi ninga nyawa orang nyabak ngelingi endur nya sebedau tudah Cassidy ditemu sida selamat sereta dipeda lemi tulang,” ku pengari Bomba nya.