SIBU: Chalun bediri minta pilih ari Parti Bumi Kenyalang (PBK) deka ngena lambang Parti Sarawak Bersatu (PSB) ba Pengawa Bepilih Besai Ke-15 (PRU-15) tu.
Presiden PSB, Datuk Sri Wong Soon Koh madahka pengawa nya udah dipesetuju entara kededua parti nya aja.
“Genap chalun ari PBK deka ngena lampang parti kami. Reti iya, PBK enggau PSB aja deka ngena lambang ti sama
“Taja pia, chalun ari Parti Bansa Dayak Sarawak (PBDS) deka ngena lambang bukai,” terang iya.
Soon Koh mansutka jaku nya ba pengawa nyuaka pemeri ari kuchik iya empu ngagai Gerempung Serakup Pedaja Pelilih Sibu enggau Meradong Sarawak ditu, malam Hari Satu tu tadi.
Kena 1 Oktober tu tadi, PSB udah nanggam Sempekat Pemereti Ati (MoU) begulai enggau PBK enggau PBDS.
